[文長] 中美貿易戰轉捩點已到

上星期5( 8 月23日) 係自中美貿戰開始以黎既一個轉捩點 中國首次出主動出擊向美國徵收750 億美元進口貨徵收關稅
唔知大家記唔記得中國係貿戰開打初期既立場係「不打貿易戰，亦不怕打貿易戰」實質既體現就係中國唔會主動出擊 但美國打就會收返相同關稅 即係將個波抛比美國 呢個舉動可能好多人認為中國係選擇防守 但實質其實係拖延 等一個機會「美國減息」

美國底牌已浮現 關稅遊戲要暫緩

談判從來都係講籌碼 籌碼越多 傾返黎既野越多 美國加息週期 經濟强勁 所以可以主攻 但當開始唔掂要減息時 佢仲可以加關稅去搞自己經濟? 你再加等同抵消左你減息既功效 所以5 月trump自己都急 諗住發癲凶中國 加關稅 點知自己突然縮 主動延長關稅生效期 等同將自己底牌揭穿

美國加稅對自己國民損害更大

中美間開始玩關稅遊戲開始 trump最初既概念係要透過關稅扭轉貿易逆差 但呢一個係一個偽命題 因為開戰而黎 中美貿易逆差比未打前更大 關稅多左 美國人依然買中國貨結果係美國政府收多左國民錢
中國當然有影響 但沒美國咁大

關稅影響經濟 打亂聯儲局加息步伐

trump所用既關稅唔奏效 反而影響經濟
美國大選下年就到 若然經濟比佢搞歪左對手會打經濟牌令佢難以勝出
呢個時候佢竟然走去迫powell去減息幫佢補鑊 問題係聯儲局既加息target應該要更高(科網爆破同08海嘯都有5 厘) 以家只有2.5厘就話要減 足足小小左一半收上 美國可能因為咁會係未救到經濟既情況下跌入負利率 咁係極危險
當然trump個腦只係下年大選 所以佢將經濟問題全部賴落去中國同powell身上 希望轉移視線

籌碼越小 階段性協議達成機會增加

美國可以出既招數越黎越小 大選亦越黎越近 trump選擇階段性協議亦不為奇 重要既部份學林奠個句暫緩唔傾住(中國2025 & 人民幣國際化) 然後無傷大雅r到既野 可以袋住先(有可能美方會以中方加大向美國進口貨品黎換取關稅全撤)

中美矛盾乃長期鬥爭

想從中美鬥爭間投機獲利 要切記呢場係一場漫長既鬥爭 對方所有既承諾或者係懲罰都唔會係長久 正如伊朗核協議同巴黎協定都可以話取消就取消 關稅亦一樣
所以各位如果要跟消息去炒賣 就要小心風險 唔可以睇得太偏激

家母一路睇電視 見好多人爬山嘅時候
俾狗咬住個背囊走唔甩 咬到好傷好痛

所以用師奶思想 建議大家
行山嘅時候 個書包入面裝水裝紙巾好喇
至於你啲身分證 或者電話其他重要嘢
有腰包就放腰包（要戴係面衫裡面啊懵佬）
無就好似呀婆咁 著條有袋/拉鍊嘅背心底衫喇
你知啲動物好鍾意咬住個袋唔放 唔俾你走
只要你個袋無重要嘢 就可以嚟一招金蟬脫殼

示意圖


小心個袋俾狗咬
https://lih.kg/1506145
- 分享自 LIHKG 討論區

中國無美金啦，糧食都開始唔夠食
同美國打乜柒
中国唔買咪日本歐洲買美國貨

唔記得呢個時勢打篇咁既野唔記得要利伸

利伸：我係企係示威者一邊 呢篇野純粹議事論事

支那會跌得快過美國

我都相信美國經濟會因爲關稅有影響，但係影響有幾大，始終係消費國，唔買中國貨咪買南美貨。同埋侵呢個姿態應該會維持一段時間，真係等外資自己set plan撤出之後咪cancel，反正leave china目標達成。

另外要考慮埋其他國家既參與，侵見勢色唔對係即刻加快同其他國家既trade deal。

日本G7之後話deal confirmed in principle, will sign soon。日本再買左一批美國貨；英國密密斟脫歐之後同美國既trade deal；歐盟又有傾NATO軍費，其實歐盟讓左步，美國省返一大筆。呢D排除中國既聯盟咪就係一齊俾緊彈藥美國打落去

同埋呢堆國家其實目前都係口頭講下中國有幾唔好，一俾美國拉攏説服到參與入黎

「美國可以出既招數越黎越小」？？？

Ehhhhhh⋯ 非常相反

佢可以：
逐步撤美資
香港人權法案 凍結在美紅色資產
公布紅色家族綠卡名單 在美財務狀況
金融大鱷猶太家族出動搞冧中國金玉其外虛脫其中嘅經濟
威脅取消關係法 搞冧人民幣
聯合其他盟國制裁
公開瑞士銀行中國百人掌萬億資產名單

另外
817 819
美軍兩軍艦一星期內兩次要求訪港遭拒

昨侵侵twitter提出《國際緊急狀態經濟權力法》（IEEPA）
公開要求美國企業撤出中國

今 同日本協商九月買美國大豆協議

姐係點都唔會完全反面？

淨係凍結大陸在美紅色資產+唔比中國人留學
支共已經即刻跪低

嘥氣

牌面老共點睇都輸9成

笑左

我咁睇啦，美國係有好多招都可以重傷中國，但係做左好難番到轉頭，佢係唔想去到咁嘅局面。

貿易戰係侵侵打嘅經濟牌，點會同你玩攬炒？？？
美國絕對唔會打輸貿易戰，但佢其實都唔係好想打囉。

正解！

你get錯野
打經濟牌係想大選換走總統

美國唔會輸但侵侵會輸.....
敵人既敵人就係朋友, 民主黨實會同中共合作....
長打關稅戰我唔敢講中國會贏
但係打一年半戴中國真係未驚過
中國就係打你選票， 加農產品加汽車關稅就令你幾個洲輸哂選票

純討論 你講轉捩點無錯 不過唔係無籌碼打

好明顯美國政府立場已經完全將中共當成敵人

而且反制的措施係越黎越快

月初加稅連美聯儲都未知會就加 當然後來有調整 係為左減低對市民係黎緊嘅感恩節同聖誕節嘅影響 中國立刻判斷侵始終有痛腳 佢要為連任要民意基礎

兩周前中國派楊潔箎訪美探口風後 侵即刻出口打香港牌 始終美國在港利益唔少 制止中國鎮壓香港成為必要

其後係周五中國反擊係現在750億加稅後 侵連發十條Twitter 首先係講明唔會放生華為 並宣布再加徵5%關稅

加稅係其次 但今次睇得出侵係堅嬲 兩個重點

一 侵以「order」字眼叫在華美企撤出 當然美國政府無權叫美企離開 所以以經濟手段逼佢地離開 侵更加係媒體話apple ceo會主動聯絡佢 並且認為美國唔需要中國 咁係一種近乎經濟脫勾嘅訊號

二 侵以「chairman」取代過往「president」稱呼習近平 等同宣布同習近平唔再係朋友 以往用「chairman」稱呼嘅一個係金正恩一個係毛澤東 政治術語上係對獨裁專制主席嘅稱呼

我認同暫時大家嘅關稅牌都打哂 不過要留意當年同日本貿易戰加嘅關稅係100% 唔知侵會做到幾絕

另外係月初宣布列中國為匯率操縱國之後 其實呢場已經唔係單純貿易戰紛爭咁簡單 轉往金融戰 貨幣戰 什至之後會出現區域熱戰都係可預見 今日G7侵都表明唔後悔打呢場長期戰 可見之後雙方稍為緩和之後只係為左下一場更激烈嘅經濟衝突

預期十一之後中國就唔會再洗太平地 更加會狠狠用佢嘅回血劍去劍指美國 包括向國內徵收一直透口風嘅房產稅 或再向內部政治人物抄家 而美國亦都會有唔少損傷 重點要睇美國人民嘅承受力同政府兩黨嘅取向 中國係希望就算自損一千傷敵一百 通漲唔理 中小企一片哀號唔理 廠商屍橫遍野唔理 都要撼動到美國人民嘅日常生活 從而令侵連任失敗 中國之後再慢慢收覆或逆轉

講講下變時事 btw 最近真係接到好多客都搵窗口走資 香港客開離岸戶口有 大陸客想走錢都有 佢地都預期走資窗口會係十一之後正式關閉 中共宣稱仍然可以自由出只係做俾外企睇 大家自己執生啦

日本咪講左食晒美國既農產品，驚閪？

笑撚死，加減息就吹到咁既故仔出黎

好期待

認同一樣野, 侵侵暫時嘅牌係有限, 佢而家第一個目標要穩定國內, 然後成功連任, 連任後先抽到多d牌做到大舉出擊

正解

風起雲湧
地下錢莊呢排生意興隆

我認為佢想連任為上 關稅就慢慢先加
唔想一野打爆支那

原諒樓主
佢岩岩坐完出返黎