有冇牛熊玩家交流下心得

睇圖呢D基本嘢，莊家點會唔識? 有時D圖係畫俾你睇㗎，成交200億升300點唔係未試過

小賭怡情，注碼控制

騰訊係貿易戰算係影響最少 冇其他跌得咁甘既

呢隻近熊係諗住做dt 架 掛到好低 距離最低價格爭兩格 以為撒咗單 因為下午冇睇

所以我都覺得騰訊既牛熊算穩陣
就算之前玩恆指牛熊 都唔大機會影響騰訊

窩輪唔識玩 聽講有啲莊家出啲價好仆街

有兩個fd都叫我轉玩窩輪 但未研究

每次trade 基本上點都賺你一格架啦 如果唔係佢地點賺錢

講錯 I mean 個股牛熊 冇玩過

我入咗牛熊呢個場3個月，主要係過夜策略，暫時有錢袋，喺呢三個月內，紀錄真係好重要，我就係有一次贏咗成2000點之後年少輕狂，下一單TRADE就冇FOLLOW到自己個策略，無喇喇用真錢去試自己突然諗到嘅即市阻力支持策略，結果比人左一巴右一巴，輸返成2000點出去。我學到嘅嘢就係唔好贏錢就心雄，以為自己天下無敵。喺呢個世界上，無一個策略係完美，一個有缺陷嘅策略加埋會受情感波動影響嘅人去玩呢啲就真係每次都要小心。
用理智去戰勝情緒，用數據去克服貪婪同恐懼

Ching 你個名好猛喎
過夜策略好難玩 要對大市睇法有咁上下認識
儲經驗比研究一套所謂完美策略更加重要
交易係隨機應變 唔係死的 始終呢個係人既遊戲 唔可以太機械化

唔係黑心，樓主好快會退出股壇，玩得牛熊基本輸硬，升唔跟價，跌就快過你，感覺樓主唔知自己玩緊樣唔公道既野，要玩只玩期指

牛熊操作資金佔我總資金好少比例 儲多啲經驗先玩期 跟唔跟價視乎你點選擇 可以係雙面刃

就係因為所謂嘅“經驗”而買，最後輸咗錢，你係搵唔到原因點解會輸錢，一個機械化嘅策略係有好處，一致性=每次交易都係基於相同嘅條件，就係因為每次決定都係一致先可以了解你衰咩，先可以嘗試搵到改善嘅方法，如果有陣時做嘅決定係用經驗嚟做，就算你每次交易都做咗資料統計，你都係只會知道呢次自己輸咗，而唔會知點解會輸呢個背後嘅原因

同埋現即市同埋過夜係睇人嘅啫，冇話邊個好邊個差，你玩即市都唔係可以預知十秒後嘅走勢，咁大家都係唔個下一刻嘅走勢，其實冇分別，只不過我係放大咗個坐倉波幅

可能自己心態問題 太多過夜我唔安樂 未做到心如止水既階段 特別係上幾個星期 其實都知星期五過夜熊值摶率好高 都冇去做

我一開始玩正股有錢賺，但之後開始貿易戰之後輸到仆街就開始玩牛熊，玩到依家牛熊輸得仲多過玩正股

同賭錢無分別 無野分析 任個莊去舞
羊得一次只係你好運

利申：正股+牛熊 真係輸左25萬港幣 （淨豬 已扣所有profits)

我之前都係玩正股多 自己初頭心態差 贏錢又唔走 摶佢繼續升 輸錢又摶反彈 大市跌落嚟以為買平貨 點知低處未算低
所以呢家呢啲市況就做dt 將每個交易既時盡量縮短 快進快出

咁誇張 不過巴打本身應該都有穩定唔錯既收入 有廿幾萬嚟操作

一隻生態證0.05 買同賣莊都最少食你0.001spread 即係2% 仲未計佣計印花 就算賺蝕你都要比

pk大行仲要有時唔出價 一開邊就擘spread

Day trade玩期指好過 仲有夜市比你走

我買賣成本好低 可以合單 固定超低佣 我通常買摩通 出價都還可以

身家黎架啦其實 因為自己本身無咩負擔 家用唔洗比太多 依加銀行得5位數架咋 月入2萬頭

諗緊有時係咪唔岩自己 只係岩腳踏實地搵錢
回頭是岸 唔係下下咁好彩 我黑到2次輸大錢都係買錯方向 都係美國隔夜出壞消息 由加traffic 開始

如果你連埋玩正股 好難輸晒架喎 最多咪坐 除非你擺好重比例係衍生工具

上個禮拜被殺熊

算啦各位巴打
睇完啲留言 樓主根本需要嘅係認同唔係意見
啲錢係佢自己嘅 咪由佢自己決定
反正大家都三唔識七