咁多位連登巴絲、香港人,我地又見啦!
自發起G20眾籌登報活動到而家已經差唔多兩個月
一直以嚟,G20團隊明白籌得嘅資金來自你地,所以眾籌資金嘅運用情況必需透明及公開
為咗令公眾知道G20眾籌登報嘅資金去向,我地邀請咗香港註冊會計師完成相關結算會計紀錄
大家可以瘋狂參閱我地盤數!
由於每份報章嘅具體收費係商業機密,而唔同報社都曾經明確要求我地將價格絕對保密,所以我地未能夠喺公開帳目中列明每一份報章嘅實際收費,希望大家能夠諒解
但係!
為咗平衡公眾知情權同報社嘅權益,團隊決定盡可能將支出嘅數字細分為以「洲」作單位嘅方式公開,希望大家依然睇得清楚自己俾咗嘅錢係點樣運用
而過程中相關嘅報價同單據都全部有清楚紀錄同back up,佢地亦已全數交咗俾註冊嘅會計師作查驗、檢閱
喺呢到,我地團隊要特別鳴謝義務註冊會計師同埋法律團隊不收分毫嘅熱心協助!
要查閱結算會計紀錄,請移玉步至:http://bit.ly/g20finreport
而我地眾籌登報後所淨餘嘅港幣157,137元,已經全數撥捐俾612人道支援基金,下面有收據俾大家睇
同場加映
今次眾籌嘅總捐款次數係 22,099 筆,平均每筆捐款額係 HK$304,而最多單次捐款額係 HK$100
有人可能會問,我地係唔係有條大水喉先會咁快眾籌達標呢?
等我地用數據答你啦!
今次眾籌嘅最大筆單一捐款係 HK$30,000,而最細筆單一捐款係 HK$4
我地發現有唔少朋友其實都係捐出個位數字嘅款項,其實唔係個個都可以負擔到大額捐款,但係大家都好樂意為香港出盡每一分力
呢到嘅每一分、每一毫,以及每個人嘅付出對呢個計劃同對香港嚟講都極為重要!!
在此,我地衷心感謝各位香港人,俾我地見證到呢個咁感動嘅時刻!
最後,不論你有無捐錢,不論你捐咗幾多,
你地每一個都係香港不可取代、舉足輕重嘅Stakeholder!!!