呢兩個月，我哋經歷咗好多，流過血汗流過淚，雖然仲未贏到，但至少我哋喺旺角、金鐘、元朗、黃大仙等唔同嘅地方，搵返真正嘅「屋企人」。
香港係我哋嘅屋企，我相信我哋嘅夢想喺遠方等待我哋齊心去實現。即使面對嘅獨裁政府係幾咁強大，即使前路係幾咁迷茫，即使身體有幾疲累，有你哋同我一齊面對，我就仿似重拾一切嘅勇氣。
我知道呢場仗唔易打，但我相信齊心嘅力量：如果唔係Avengers齊心，Iron Man都冇可能啪嗰下手指；如果唔係齊心，冰島呢個地方都冇可能打入世界杯決賽週。
因此，8月23日，我想有一份呢一世人最靚最難忘嘅生日禮物。我希望香港人可以齊心，一齊組織一條屬於我哋嘅人鏈，開創一個屬於我哋而又自由嘅未來！
一定會送到俾你
生快