即刻出,多謝留言支持
(23)
「阿朗,照明。」
手電筒亮了起來,照亮了我們眼前那放滿麵包的金屬層架。
我們步步為營的踏進昏暗的超市,緊握著自己的兵器。
「果然……已經過期,而且發曬霉。」我拿起一包BIONA牌有機麥麵包察看。
陳景拿起一包嘉頓牌麥方包,「不愧為化學添加劑之王,過咗期一年半都依然咁雪白……唔知食唔食得呢……」
然後,我們經過了放雪糕的矮冰箱與收銀台,進入更深處的酒類巷道。
我定眼看著兩邊層架,「嘩……好多紅酒,雖然有七成都畀人拎走曬。」
「剩三成已經好好,喺悅來坊嗰頭,依種貴價酒係一支都冇,」 蕙凌逐一察看,「睇嚟……冇你要嗰隻牌子,果然嗰隻高級酒要係Watson's Wine先會有。」