懇求你地 唔好比仇恨支配了自己...首先唔係分化 係呢2個月其實都見到暴力用處同成效係有 但問心成效大唔大 比起812？咁耐以黎尋日和理非和平遊行令機場癱瘓係最大回響。但好多人真係比811 再單單增加對警察同大陸的仇恨 搞佢地對五大訴求有咩大作用。我明 我都好憎好憎警察
但圍大陸公安 打公安、打警察、圍警署之類只係發洩仇恨，對政權係無衝擊力 我都好憎好嬲 佢地令到我地一位女義士無左一隻眼。 但我地最後目標係要贏阿 贏阿 ！！！
而忘記最重要最重要係對準五大訴求。
大家要冷靜d ,和平示威被鎮壓，全世界都會同情你。
但用暴力手段，除非你有對等武力，如果唔係一定失敗，而且無外國會公開認同，
如果示威者自己都控制唔到暴力，傷及無辜，政權用「反恐」為名，合理化軍隊鎮壓，到時既攬炒就唔只係經濟上，會係過萬人以上死亡，香港地理上前面係大陸，後面係海，無得走，外國亦無原因軍事介入 亦都出師無名，除左美軍會有軍艦接走外國人，香港人只有做順民、或者死、或者終身勞改
暫時安全抗爭應以和理非為主線，配合文宣，將抗爭拖長（機場和理非不失為其中一個方法），其實經濟損失先係致命打擊，而經濟損失唔係短時間內反映到，所以要鬥長命，利用抗爭去影響香港議員選舉、台灣大選、中美貿易戰、國慶，逼佢讓步、或者攬炒，無得退，今次一退，以後無機會。
其實只要係針對核心經濟來打先有最大效果，機場、中環等等，對平民經濟影響最細、但對政權/大有錢佬影響最大既地方來打先有最大戰果
另外，機場/金融體系呢d日頭制做經濟效益既地方，抗爭唔需要過夜都有成效。過夜人數一少，警方一定清場捉人，人數先係抗爭最重要既資產 。
最後 希望大家都謹記天琦對我地講既野 你唔聽我都聽天琦啦 我地一定要冷靜冷靜 機場本身係一個好牌 我地唔好再重覆今日既事件 親自毀左呢個好牌...
