講咁多英超,不如睇睇下面英冠升班形勢, 打埋今晚呢輪就進入最後10場直路
截至 6/3/2017, 暫時榜首紐卡素領先第二位白禮頓5分, playoff位第三位HUDDERSFIELD 11分 (打多場)
觀乎今季到而家既走勢, 兩個直接升班位應該都不外乎紐卡素/白禮頓/哈德斯菲爾德/列斯聯
值得一提既係上兩個match day, 肥賓帶領既紐卡素分別先後作客擊敗兩個升班/爭冠既主要對手 白禮頓 & 哈德斯菲爾德, 今晚佢地會再作客對另一隊升班對手雷丁, 如果贏埋既話, 配合埋帶開10條街既得失球差, 只要keep住基本上已經拎咗半隻冠軍
而白禮頓開季到而家個狀態都非常穏定,可惜上個週中俾紐記反勝之後, 週末作客再慘吞森林3隻蛋, 再加上主力主堅duffy受傷, 要休息超過一個月, 令到最後十場加添唔少變數
哈德斯菲爾德既領隊係前多蒙特二隊教頭, 高普個好朋友David Wagner, 打法都有幾分相似, 雖然上場主場輸左俾紐卡素, 不過好彩既係白禮頓輸波, 而家打少一場之下只係落後俾佢地6分 (場補賽係作客榜下游既狼隊), 加上隊波狀態非常之好, 絕對不容忽視
至於闊別英超多年既列斯聯近況都係大勇, 前鋒chris wood近十場幾乎場場都有波入, 暫居射手榜次席, 爭頭2直接直班唔係無可能, 但睇番成季表現+賽程, 個人認為哈德斯菲爾德既機會比列斯聯大
想當年wigan 足總盃冠軍 而家就嚟跌落英甲
