前排睇完:
《One hundred years of solitude》,好睇 嗰種每一代都擺脫唔到嘅孤獨好深刻;魔幻寫實嘅手法又好神奇;而且將成個歷史放左落去(雖然好多都唔識),好犀利
《烈佬傳》
《Life is elsewhere》, 好睇 用詩人嘅一生黎講解life is elsewhere呢個概念,即係真正嘅生活/人生,永遠喺其他地方,換句話講,永遠都追逐唔到
《分成兩半的子爵》,原來係好似童話故事
《看不見的城市》,原來《愛因斯坦的夢》個寫法係參考佢,不過《看不見》難明好多
《Sapiens》,講真,冇大家推薦咁好睇 佢係有自己想法,但係佢嘅reasoning 係以唔同perspectives 黎睇,例如:佢有講同性戀係冇問題,因為世界係冇natural 唔natural之分;但同時佢話喺agricultural revolution裡面小麥征服左人類,因為喺biology嘅角度,佢哋係成功。當然兩個argument分別都講得通,但係如果用biology 角度睇第一個argument ,成功即係繁殖得多,同性戀就有問題; 如果冇natural唔natural之分,睇翻第二個argument, 就唔存在征服唔征服嘅問題
《如果在冬夜,一個旅人》,好正 又好玩 即刻迷上左後現代主義
百年孤寂有興趣
你講嗰本《烈佬傳》係咪黃碧雲嗰本?我都有睇,好鐘意
係,黃碧雲嗰本,唔算話好吸引我,只係算速讀
口語書面語個一齊運用,語氣節奏feel到好疏離,又唔係孤獨,又唔係感歎,又唔係無奈,好似歷盡滄桑之後咩都無所謂嘅態度,但又唔係豁達喎。總之,營造出黎個氣氛好好
《烈佬傳》堅好睇。
要指出一點係烈佬時期黃碧雲其實尚未駕馭到語感同廣東話結合,睇返以前既《血卡門》等作品可以見到佢完全控制左個文章節奏,但去到廣東話後有失色。
書本身好睇,有佢既觸覺同敘事技巧,樓上巴打講的氣氛凝聚都有做到。(而佢後期《末日酒店》反而差了,不過書寫purpose唔同,無法比較)