之前我發起咗個投票有關bye buy day，希望透過每星期兩日（一日閒日一日周末）罷買，長遠運動對商家做成壓力，用佢地再向政府施壓！
當然效果未知會係點，但除咗上前線希望其他人都可以做更多唔同類型試、更多唔同方法去救一救我地既香港。
就住邊日實行bye buy day，發起左一個投票由8月7日夜晚7:00至8月9日下午3:00歷時44個鐘既投票始果，總共有10,642個投票：
最多人投票係星期日實踐bye buy day：
其次係昨日下午2:00再追加左一個poll，因為有人指覺得一日罷買唔夠喉
，歷時23個鐘結果星期五最多人投：
所以目前方向定左星期五、日一齊行Bye Buy Day!
奉警方呼籲我哋都係乖乖地留係屋企唔好去街買嘢啦
除咗俾壓力之外，我哋都想宣傳中國人傳統節儉嘅美德，應使則使。我哋討厭嘅事中共政府政權而唔係傳統中國文化，所以都想借機宣揚開去。大家慳咗落嚟嘅錢我哋建議有心可以捐助比前線人員買物資或者做下善事捐左佢。而呢段時間建立左嘅儲蓄習慣係唔會浪費左，雨過天青之後大家多舊錢傍身都好啦
唔買非必需品都易搞，飯就點都要食嘅
。所以建議大家有時間嘅可以返工帶飯，冇辦法嘅就盡量唔幫襯啲連鎖商戶；晚餐來講大家多啲返屋企同老人家食飯傾多啲計等佢地明白我哋多啲都好呀
（當然唔啱傾嘅屋企食飯多數都會比喺街食健康啲嘅）希望可以借一借你隻手推下post，share 出去；然後就忍一忍，由811開始每個星期日同埋星期五都唔好買野住。
罷工坦白講每個人既崗位與負擔都唔同未必支持到，但係罷買，你絕對罷得起！
