Hello, 大家好，我係一個CD-ROM，終於開到ACCOUNT支持連登仔，作為一個和理非，都好想為香港出一分力，我相信一枝筆既威力係大過一把鎗。
首先，我必須多謝前線既付出並認同前線既努力，係你地逼到班癲狗不停犯錯、一個又一個既錯誤令部份中立同淺藍靠向我方陣營。對於49位前線被捕深感痛楚，係武力極端不對稱既情況下，欣賞前線既付出。不過我今日想講既係和理非有咩可以做。
1.制度暴力，制度解決
當我地成為制度既得利益者就係我地行使暴力既時候，面對HIHI 既功能組別，面對極大既資源不均，但我地有200萬人為我地背書。我地唔需要挑戰不可能，甚至我地唔需要拎過半數，反正班HIHI 長期蛇王，只要拎到接近一半我地就贏。
點挑戰，我地得 10 席 VS 建制 25 席，即係我地要拎多 7-8 席先打和。目標 7 席 : 工程界(1)、建築、測量、都市規劃及園境界(1)(以下簡稱測量界)、飲食界(1)、體育、演藝、文化及出版界(1)、勞工界(3)，之後我會再寫下點樣去挑戰，作為連登仔一分子，我信我地係有希望。
2. 反守為攻
我地要跳出連登，主動攻擊建制派的論壇，無論對方係幾無知、幾ON 9都好，我地都要有救得一個得一個既覺悟。之前有巴打化作藍絲進入對方敵陣，散播消息非常好。但我地亦都主動踩場，進入香討，港人港地，HKG POST 積極留言，附上黑警濫用暴力的罪證、政府高管愛理不理既文宣，越簡單越好，你知啦，把藍絲唔識思考，再配合混入藍絲既巴打帶頭轉風向。當出現矛頭指向警方，我地就支持政府與警方割庶、當矛頭指向政府、我地就支持黑警，務求分化班藍絲。
3. 文宣
真係要盛讚今次文宣做得非常之好，我地需要文宣做武器，攻入藍絲陣形，形成分化。特別多謝攬炒巴將香港帶出海外，帶到國際，身為香港人，我。好。感。動。 但咁樣仲夠唔夠？唔夠。
點解D免費報紙咁多人拎，係因為D 呀婆呀伯可以拎去賣，呢班呀婆呀伯係咩人，係建制派最主要的票源，我地可唔可以考慮同大紀元合作，佢地都有派免費報紙，可唔可以叫佢地改下版面，俾我地印下D文宣，俾D呀婆呀伯帶番屋企慢慢J。
我地亦都需要向身邊中立或淺藍陣營去聽佢地講野，得閒幫佢地LIKE多D PAGE，餵多D 野俾佢地食，拉佢地入多D黃絲為主既GROUP，慢慢滲入D思想俾佢地。緊記，唔好一埋身就講政治，最好由淺黃拉佢地入群組，講多D佢地喜愛既野，飲飲食食去旅行，如果佢講開政治先慢慢滲入，距離立會仲有一年，慢慢將佢地變我方陣營。
4. 遊行示威
最後亦都係最重要，高度支持前線，不割，不分，不篤。 已經有好多POST 檢討，不贅。寄語梁天琦既一句話“政治的工作不只是要令支持自己的人繼續支持自己，而更是要令不支持自己的人轉為支持自己，改變想法，認同自己的方向。”
歡迎和理非發表諗法，打完上半場，睇反應打埋下半場。