[backpack環遊列國](全字無圖有片)live住拍片上youtube,放低所有,來一場無限期既旅行

70 回覆
29 Like 5 Dislike
2019-07-19 21:45:37
喺一年之前,有一日兩個人喺海傍傾計,覺得人生無乜意義,想做啲瘋狂野。

K🧒🏻 J🧑🏽
👦🏻: 不如我地儲一年錢,去環遊世界?
🧑🏽: 好啊,咁不如拍埋片紀錄我地咁白痴啦
👦🏻: 咁不如upload埋上youtube啦笨
🧑🏽: 好啊,一年後岀發囉

就係咁,我地2個又無相機又無錢又唔識拍片,就傻更更儲左一年錢,然後亂咁買左啲器材,係一個月前正式岀發左。
我地一開始淨係plan左西伯利亞鐵路既行程,諗住之後既野就之後先算,同埋想盡量用最複雜既方式去環遊列國,所以決定全程都陸路咁去。
就係咁,我地就喺香港搭24小時火車去北京。

<香港 - 北京 - 二連浩特 - 扎門烏德>
唔知係咪有高鐵既關係,高鐵只係俾多4,5百蚊就可以9個鐘由香港去北京,所以已經無人會慳嗰幾百蚊去搭24個鐘舊式火車。
相比起十年前我搭嗰一次,今次呢程車真係少左一大半人有多,成架車都空既,所以,我地其實好似包左車咁,搭得好舒服。
到左北京之後我地求奇住左一晚,第二日就去左搭巴士岀發去二連浩特。
我地決定西伯利亞鐵路由蒙古既烏蘭巴托開始,上網見除左一程火車直去之外,仲有一種好麻煩既巴士方法可以係北京去烏蘭巴托,基於貪玩,我地就揀左呢個方法。

待續。。。

Youtube link:
https://youtu.be/TL2qQ4ut_4Y

有興趣既巴絲打可以㩒入上面條link睇下我地既旅行,已經岀左6集架啦,鍾意睇既可以subscribe或者俾啲意見指點下,一齊live住去旅行
2019-07-19 22:07:34
續<香港 - 北京 - 二連浩特 - 扎門烏德>

事前我地都做左啲research,以為好簡單咁喺一個叫永定門既巴士站就可以買到飛,但睇多啲之後發現個車站好似幾個月前無左。(好後期我地發現原來係有,好嬲)
打電話去問,佢點左我地去一個好遠既車站,叫[新發地],咁我地去到諗住買飛,counter個職員話: 去二連浩特既飛係無得買架,我俾個電話你,係車長既電話,你自己同佢溝通啦!
咁我地又打俾個車長,個車長話,原來佢地每日岀車既時間都係睇心情,同埋佢地係要兜埋啲外蒙古既人岀順便送下淘寶咁
咁我地就話2個人要去,然後就約左時間佢黎接我地呢條線搞到好似係車長獨立經營咁,雖然好麻煩,但其實我地覺得好好玩好刺激
就係咁,我地就上左一架全蒙古人既巴士。
二連浩特係中國境,扎門烏德係蒙古境,所以一般係二連落車再自己搵車去扎門。但個司機同我地講,俾多40蚊佢可以搵人係二連接我地再送我地去扎門,咁我地就由原本既180蚊,變左220蚊。

架車係一架有床瞓既過夜巴士,好似有管制話凌晨2點到5點係唔可以開車,所以架車揸到凌晨2點,就係一個沙漠度停車熄鑰。
貪玩既我更係落下車,唔洗講啦,超凍,但感覺依然好興奮,因為個天好多星星,同埋真係無諗過自己會凌晨係沙漠度得架巴士咁搞笑。所以其實幾開心。

(事後我地發現原來永定門個車站係有正式既巴士去,原來係我地低b揀左啲咁神奇既方法哈哈哈哈)

待續
2019-07-19 22:28:24
續<香港 - 北京 - 二連浩特 - 扎門烏德>

**我決定都係cap下圖,好似開心啲

經歷咗十幾個鐘既巴士,終於都到左二連浩特。
其實二連浩特條街幾乾淨,但唔知係咪因為太早,所以好似死城咁。
我地車都未落,就有個啊叔上咗黎,問係咪有人去扎門,個司機就指我地(司機唔係賣票俾我地嗰個)。
咁我地就以為佢係接我地既人,就上左佢車。


搭到一半,佢突然叫佢地每人俾80蚊佢。
我地先發現,原來佢唔係接我地人。
咁我地就試下打俾之前賣飛既車長,佢block左我,哈哈哈睇黎俾人呃左。
我地嘗試叫佢車番我地去車站,諗住搵人拼車平啲,點知佢話都要俾30蚊。
最後我地廢事煩就講價,最後每人70蚊。

佢車到我地去邊境之後,叫我地落車,話搵第二個人車我地,本身我地都好驚俾人呃多次,好彩,最後都有車。


但我地見車上面既蒙古人淨係俾20蚊,無辦法啦,我地又唔識蒙古語。
就係咁,我地就要先岀境中國,再入蒙古。


岀境有個小插曲,可能無乜香港人會到呢個境,個入境職員叫我地俾passport佢,搞左勁耐都搞唔掂,最後叫個大粒野過黎,叫佢地俾回鄉證,一秒就過左,之後我地就上番架小巴啦


待續
2019-07-19 22:57:14
續<香港 - 北京 - 二連浩特 - 扎門烏德>

上番架小巴之後,就車左我地去蒙古既入境位。


去到蒙古入境既位置又遇到麻煩了,可能無乜香港會係扎門入境既關係,啲入境職員係未見過香港passport咁,加上佢地無人識英文,我地就濟留左半個鐘。
最後佢地又係搵大粒野,又係一下就俾我地過。但基於濟留半個鐘既關係,架車已經走左。
咁就到左最麻煩既情況。
第一: 無蒙圖(錢)係身
第二: 無上網
扎門烏德既岀境位係荒山野領,乜野都無,而且係無可能步行岀市區,因為佢係一條高速公路,當你想行,啲駐守軍人就會迫你番去,加上嗰度係無人識英文,情況係差到極點。


當我地幾經絕望之後,我地遇到2個之前小巴上見過既中國人(唔知點解佢地仲係度)


佢話佢地係烏蘭巴托做生意,call左車直接去,話有機會可以車埋我地!
我地本身既planning係去扎門烏德既市中心搭火車去烏蘭巴托,但而家竟然有直接揸車去烏蘭巴托呢一招?!
就係咁,我地就踏上左9小時既穿越沙漠之路了!
2019-07-19 23:00:17
去旅行要拍片仲有時間可以剪到片同打字
唔洗訓?
2019-07-19 23:23:28
你突破盲腸,又唔係好識剪,剪一集要幾日而家去左成2個月先剪到頭2個星期啲片,每日都好似瞓3,4個鐘咁,覺得就黎死
2019-07-20 06:26:03
<烏蘭巴托>

其實烏蘭巴托旅遊我係比較建議跟團,因為蒙古有好多景點都係郊外,加上無交通工具,所以唔跟團都幾麻煩。
但食方面烏蘭巴托真係幾好,好多唔同國家既菜都有得揀,而且好便宜,所以唔洗擔心。
對於我地只係當呢度係中轉站,所以都無乜點去到景點,但都俾大家睇下烏蘭巴托大概係咩樣啦!
2019-07-20 11:09:57
正啊!幾好玩架!記得去埋貝加爾湖啊
2019-07-20 11:30:37
lm
2019-07-20 12:00:22
鍾意睇既記得上埋youtube睇啊
2019-07-20 16:57:45

我都有諗過畢業前要瘋狂去一次旅行
2019-07-20 19:20:54
今次我都預到兩個fresh grad既大學生咁做啊!試下啦!你諗下,將來一年去2,3國抵d定一次過去10過抵d去一次等如人地幾年先去到既地方
2019-07-20 19:48:22
遇*
2019-07-20 21:09:16
<西伯利亞之旅正式開始>
我地今次既西伯利亞之旅係以烏蘭巴托作為起點,第一站既目的地就係伊爾庫次克
今次架火車入面係以木質為主,所以開始有啲流浪既感覺啦!

同我地同一間房既,係兩個蒙古藍球隊既裁判(因為佢哋既其他隊員係隔離房,所以除左瞓都無stay喺我地間房),咁我地2個就霸晒成間。
經過第一個停站,遇到兩個香港人,佢哋係fresh grad去旅行,突然覺得喺一個連英文都溝通唔到既地方聽到廣東話有少少想喊。
之後我地就係間房度傾計,傾左一陣,突然有個奧地利人,連帶一個日本人,德國人同韓國人入左黎我地間房,握個手之後,就開始我地既奇幻旅程。
一行7個人,就咁坐係我地2個張床度有講有笑,好彩嗰2個蒙古人去左隔離房,唔係就嘈死佢地,係一個咁迫既地方7個人傾計,感覺好warm。


傾傾下計,佢哋情緒高脹,攞晒佢地既”家傳之寶”過黎,韓國人攞左6枝vodka,徳國人攞左枝蒙古烈酒,奧地利人攞左啲奧地利芝士,火腿同麵包過黎,就係咁,吵吵鬧鬧就過左一程24小時既火車。

到達伊爾庫次克,大家喺火車站不捨道別後,就各自各分開了,但我相信,去到貝加爾湖應該會再見。

落車過後,我地2個一如既往,身無分文,無上網,atm又㩒唔到錢。好彩見番韓國人Jimmy同德國人Matthias,佢哋話有cash,可以一齊taxi去市中心,咁我地又一齊搭左程的士,再相約夜晚一齊dinner。
伊爾庫次克係一個感覺好歐洲既城市,但同蒙古一樣,係俄羅斯用英文係溝通唔到的,不過我地都慣,手語同google translate 啦!
我地去到hostel settle down晒d野之後,就去中央市場meet up Jimmy同Matthias。我地4個諗左陣食咩,就決定左食韓國野,Jimmy話要俾我地感受下韓國人係點飲酒同點樣食燒肉,就係咁,我地個胃又受左一晚苦,第二朝重要9點搭車去貝加爾湖。


Youtube link:
https://youtu.be/lVkHCEcYIjs

待續
2019-07-20 21:17:39
lm
2019-07-24 04:00:25
樓主去幾耐
2019-07-24 12:35:44
支持~~唔好棄post呀
2019-07-24 19:11:08
無set限期啊,目測半年多少少就環遊晒全歐洲
2019-07-24 19:12:20
多謝但最近香港啲野加埋無乜人睇本身諗住棄hahahaha
2019-07-24 21:44:03
🧑🏽: 好啊,咁不如拍埋片紀錄我地咁白痴啦
👦🏻: 咁不如upload埋上youtube啦笨

咁應該至少keep住拍片
好羡慕啊~可以去蒙古同俄羅斯。
2019-07-24 22:34:33
會keep住架啦而家去到東歐架啦剪片好難,追唔上旅行進度
2019-07-24 23:24:48
東歐正呀,又平又靚。係咪即係烏克蘭、波蘭嗰啲地方~?
2019-07-25 07:45:28
係啊,烏克蘭同波蘭都去完lu,而家到保加利亞,其實平我就覺得一般般,當然如果以普通旅遊心態去都可以話平既,但實際街邊隨意食個飯都要4,5十蚊,同香港差不多。
我本身以為係泰國嗰類2,3十蚊食到一餐ok既,點知只係香港價
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞