」「不要去沙田，無意思
」「不要去將軍澳，有入無出
」與其互相指摘，廢d 講句，why not both？
過左71，過左77，大部分市民、義士、連登巴打，都無不出現疲態，行動開始失焦，甚至最唔抵爭咁，互相指摘。我好希望睇到呢度，大家可以好好反思一次，「一齊」的意思，只要一起行落去，一定會有轉變。
直入主題，與其200萬＋1 ，行一個地方，點解唔可以10萬人，行20個地方？
我知道實際上極難做到「10萬人，行20個地方」，所以本文目標係，同時有2－3 個進行大型示威活動，以展遍地開花之真諦，向政府作再一次，又再一次的控訴。200萬＋1 行金鐘，警方又係5000人每12小時一更stand by，100萬人又係5000人，其實10萬人，5萬人都係5000人。如果可以做到同時多處大型示威，警方真係可以作出適當調動？真係有多位合適的commanders？Dover 又可唔可以分身呢？ 我上個post 講過，警方派別之爭，逾趨明顯，如果真係可以同時有2個commanders ，又會出現甚麼光景呢？
政府方面，相信亦未曾作任何研究，個波都係拋翻比警方。至與勇武派會出現係邊個場地，就真係 only god will know it
當然，政府、警方都未曾作研究，未必作出到一個好的調動，遑論一班白行了22年的和理非？地雷亞承認，亦了解，同時有2－3 個進行大型示威活動，難，真係好難。但我又相信，已經創出咁多奇蹟的香港人，有咩係做唔到？100萬人行、200萬人行、出信比各國議員、要員、向各國報章刊登文宣，我地係有咩做唔到？
一齊行落去，一定會有轉變。
地雷亞
