【本報訊】警察濫暴亦縱暴,冷眼旁觀醉漢傷人。前晚警方驅散旺角示威者,午夜時分仍有少量示威者於西洋菜南街及亞皆老街交界聚集,有一名中年醉漢出現襲擊示威者。據在場的葵青區區議員周偉雄指,該醉漢突然襲擊在場人士,並釀成衝突,醉漢突倒地流鼻血。他與同行社工欲上前協助時,亦遭醉漢掌摑,眼鏡橫飛,醉漢隨後襲擊現場女士,抓住少女手腕,試圖除去其口罩。
周偉雄表示,施襲地點約五呎外便有十多名警員,在場市民及立法會議員許智峯曾要求警員協助,但有關警員未有理會,袖手旁觀,「咁樣真係好唔合理,見到市民之間有紛爭,連帶走醉酒鬧事嘅人、分隔兩邊嘅人都唔肯」。最終鬧事醉漢混亂中倒地,被送上救護車離開。
少女憂報案「告返轉頭」
被襲的口罩少女張小姐指,當晚用膳後路經該地,見醉漢鬧事,「個男人見到人就揮拳打人,佢無啦啦捉住另一個女仔,我想去拉開佢哋」,隨後被醉漢抓住其手腕,並將其穿戴的口罩扯下。她又稱,「由見到警察清場開始已經好驚,之後又有咁嘅衝突,一路都好驚」。對於十多名警員未有阻止施襲男子,張小姐表示失望,「佢哋係一啲行動都冇」,但未考慮好報警,「唔夠膽,驚會俾人告返轉頭」。
https://hk.news.appledaily.com/local/daily/article/20190709/20723979