（心情+治病紀錄）肺部確診了淋巴瘤的我

不過你呢個其實都係一個例子來。
好多人覺得，自己有錢，可以唔理政治，大陸人逼爆公立，咪逼爆囉，我可以去私家。
其實現實係，你個case麻煩少少私家都未必收你.....
我做公立，有時候d好差的病人來照野，八十幾九十，聞曬氣駁曬天地線。我心諗...呢d case如果比著私家真係九成九唔會收...佢地選擇基本上得公立....

我都係做公立醫院 完全明白你講緊嘅野
癌症又唔會死住 所以唔急
一味係度拖
拖到個病人情況變差 咪會變急
不過憑自己一個都改變唔到咩 唯有送句加油俾絲打捱埋佢

其實知道係咩primary未?

當你病左個下，心急又唔知點算既時候，你只可以周圍中，個時得自己一個都唔知點面對。

頸既淋巴位，腫起曬一舊舊，依家由病變唔痛，食咩消炎藥同抗生素都無用。慢慢仲走上埋下巴位。

驚都無用呀，你快啲睇醫生搞清楚咩事仲好。

都係.....
只怪香港醫療真係好爆.....

我每一兩個月就搵唔同醫生睇
周身都覺得有病
睇咗兩個耳鼻喉
又睇心胸肺，連口腔頜面都睇埋
個個都話我無事
但塊面同條頸真係痛
喉嚨都痛咗半年，無人解釋到
而家睇緊心理醫生，準備睇精神科
唔知邊個幫到我

有無照petscan？

同路人，我都捱咗好耐
打白血球針打到周身痛
手術都做咗2次

同意。

私家其實都係想賺easy money。
頭暈身熱去睇私家都會收你，但去到一啲奇難雜症又推番曬去公家。我個時懷疑肺結核，私院一收我，我一確診佢地都拉大隊要照肺。

利申：買曬保險，22歲買曬危疾同醫療就係唔想等公家，但現實係私家唔受你玩。仲要懷疑中傳染病。真係寫個故仔都仲得。

同埋住院既時候，一半床啲屋企人黎探佢地都係講普通話，同埋啲病人都係講啲唔知咩既語言，其實啲姑娘都好無力。

暫時都未知，等報告出黎，又未死得醫院又唔會理你。
佢地每日都見到危急既病人，難聽啲講句，真係依家由佢拖嫁咋。

加油

做公立醫院既醫生同姑娘真係超級偉大，佢地真係好辛苦好辛苦，每日面對病人，面對會癲既家屬。

試過有個婆婆，每日啲女黎探佢，等極都等唔到個仔，就開始大鬧病房，話自己抖唔到氣，又話呢到痛個到痛，但我好深印象佢嗌救命由街頭嗌到街尾，好中氣過我。之後佢啲女又開始忟。

最後佢喊著話想見個仔，大家先明佢想點。

真係呢幾年大家都攰喇。

加油，我10年前有胸腺瘤4*10cm又係壓住個肺好難呼呼，說話都講唔到（好像中風咁），最後因爲危急公立好快排期幫我做手術切除，驗左都係屬於惡性，不過好好彩切得清冇擴散，而家只係keep住覆診同食藥（因免疫系統病），所以您都要努力！

暫時要等個化驗報告，倒數中。

政府點再投放資源都唔夠人口增加快。
當病左就知，做香港人唔好病。

講真.....
TB case公立咪又係咁做......不過可能治療上，診斷上個病人去其他地方做野會麻煩d，你要比間負壓房佢。要戴N95，做完野要抽負壓咁解姐。
你公立就算開刀，條友有TB都係照開架啦...

咁講真，私院出事率一定少。大機會奶野果d去曬公立嘛。你再加埋人手設備緊張。你公立梗易奶野架。
又唔好忘記。你有一定經驗年資的醫護人員。包曬醫生護士allied health。除非你真係好撚熱血的姐。如果唔係，儲夠經驗都走啦講真.....
HA, 錢又少d, case又難d, workload又大到痴孖根, 班高層又唔撚會理你。真係有咩理由會唔走? 除左你個人熱血因素

https://www.facebook.com/notes/%E9%84%AD%E5%B1%95%E7%A7%91/%E6%9C%AA%E4%BE%86%E8%A6%8B/10156594238598303/

支持U!

我聽過一個case，個女仔頭痛到郁唔到，一起身就痛，只可以長期卧床，好似個廢人咁。照咩照咩都搵唔到，點知佢上網搵搵同路人，搵到個台灣病例同佢一模一樣。

原來佢小腦有裂痕，訓係到照既時候咩都睇唔到，最後個女仔叫個醫生企係到照先發現到小腦裂痕漏水。

唔好放棄自己搵唔到咩病，總會有一日會搵到嫁！

就算真係搵唔到，都要保持心境開朗，無人想病嫁。

多謝，我會努力。咁多難關我都會過到嫁。

加油絲打
我知雖然好難 但記得盡量每日都要keep住樂觀d, 開心d
對你身體會有幫助

會呀。
講真，我真係唔怕病呀，保持心境開朗。
最怕見到身邊人既唔開心姐。

雖然呢度講或者唔太適合
所以我成日都話...政治關每一個人事......其實每日150，錢拎曬去起鐵路。係間接殺害緊d patients。
前排護士出來遊行。又一堆人嚮度話人地貪得無厭乜乜物物。我真係一頭問號，呢班人係咪永遠都唔會病? 長生不老?
我果陣己經話，唔好成日大安旨意諗私家。私家係有權拒收症。
呢個炸彈係影嚮每一個人。生老病死係人生唯一公平的事。每人都要經歷...

針唔拮到肉唔知痛，為何還未看清？

莫講話你依家咁無助....
去到我(依家30)老左果代，我真係唔知點死.....