（心情+治病紀錄）肺部確診了淋巴瘤的我

絲打你要加油
我地會陪你渡過

很感謝大家既一一回覆，願諒我未能夠一一回覆。
個個都充滿正能量！
我會keep著update大家我既近況。

Btw 琴日拆線傷口爆左😭 又要再番去覆診

小問題啦

我媽啱啱check到有子宮頸癌 仲要第3期等緊公立report做手術 等嘅時間好漫長

唉

住院果時悶就上黎吹下水好多人陪你絕不孤單
再唔係上黎探你都仲得， 我都係係醫院做

i know that feel 有時等仲慘過真係做化療個痛苦

巴打我都係4期，Hodgkin
不過我做完10幾次代療，3個月就復發
宜家用左免疫9個月，感覺都未好晒

我地永遠唔會知你真實有幾痛，不過我地會直陪伴你。
請加油，不要放棄自己

師兄做返運動,我做完化療操返幾個月先有返以前8/9成體力

我曾經患病 小小感受..
無病既人永遠都唔會明白有病既人
每一刻承受既幾大心理壓力 情緒可以有幾差
有時會因為咁想哩埋
身邊既人主動關心你 但都好想發脾氣鬧走佢

無論如何 希望係你辛苦既時候
有機會想起我地呢班素未謀面既網友
真心為你打氣
同自己講一句：I know I can! 可以跨過去的！

加油！💪🏻

血科姑娘路過 明白成個acceptance既process係有幾難受 但係要加油呀

其實我仲未喊過，無真真正正為自己個病喊過。
今日係到諗，點解係自己，點解要病，點解個天要我生病。我係咪做錯左啲咩😭
好似到左今日，連哭既權利都無。

我曾經化療其間因為懷疑腦膜炎， 入左qe 住左一個星期
其間見到好多cancer 病重既病人， 好多都真係超慘
其中有個好深印象， 送入黎果時已經昏迷， 佢呀媽係喊到完全崩潰， 聽到係朝早都仲可以渣車食早餐， 然後突然腦癌復發， 就昏迷左
仲有好多送入黎好快就死左
我先醒覺， 呢個世界真係幾慘既人都有， 自己係呢一刻都唔算係最慘果個， 一定要努力生存落去， 幾辛苦都要捱過
所以絲打你一定要振作， 幾艱辛既療程都要頂落去！配合醫生， 如果有宗教信仰， 都好好利用佢地， 俾信心自己打呢場杖！
利申我果次檢查到最後原來無事謝天謝地

你有喊既權利 情緒要抒發出黎 屈住好辛苦架 要加油 remember you are not alone

岩岩終於喊左出黎，喊到問自己係咪做錯左啲咩。
喊左出黎，舒服左輕鬆左。
各位巴打絲打我仲有一段時間等報告出😭

就算真係cancer
淋巴癌算係好易醫
唔好聽人講咩走勻全身好難醫
淋巴癌對化療反應好好

最重要就係有唔開心就講出黎
好多人願意聽, 我地都願意聽

我完左化療其實就正常好多，其實用免疫治療真係好好，叫做冇化療嘅副作用，不過真係好貴⋯
我叫做唔好彩，宜家開始出現免疫治療嘅副作用，冇口水，啲手指關節痛，呢幾日更加，我諗係風濕

絲打加油，我初初都係好難接受，直到宜家都係會怨個天我做錯咩，唔煙唔酒，冇害過人，最多係做人唔積極啫，點解係我
早一年仲要冇左個b，直到宜家都係平伏唔晒

Hodgkin 易醫d
加油呀唔好放棄
免疫一個月幾銀

想請教吓我頸都有淋巴結, 好多年黎都無大過, 但最近感覺周圍地方都粗左咁, 無發燒, 咁我應該睇咩科呀?