任達華轉貼畫作撐警。
今日有親中團體「香港政研會」在添馬公園舉行「撐警集會」,大會宣佈有16.5萬人參加,警方就指高峯時有5.3萬人參與。而集會者中,就見到梁家輝、陳欣健、譚詠麟、鍾鎮濤、陳友、高志森及DJ鄧慧詩。
除了親身參與,亦有藝人選擇在社交網站撐警。歌手劉美君於晚上將facebook的封面照片換成撐警口號「阿Sir我撐你」,不過留言反應兩極,有人多謝她撐警,亦有人覺得失望表示:「唔認同你嘅做法……明明有記者同學生被警察亂打……」亦有樂迷理性留言,希望劉美君除了貼相,亦叫她嘗試解釋撐警理據。劉美君未夠一小時就再次轉封面照片,以文字解釋立場:「點解你哋咁大反應呢?我立場無變,我係唔理政治嘅。我只係唔支持欺凌啫!」一石激起千重浪,網民再次在劉美君大量留言,有人轉貼今日撐警集會人士吐口水、扔泥、舉中指的新聞,不過未獲劉美君回覆。
劉美君晚上再次換上封面照片,單單用上一個「PEACE」(和平)一字,她又留言解釋:「我支持警方保護我們,法治基石;但同時作為一個人一個母親,反對警察過份使用武力(大家都係香港人,你哋唔好對峙啦!)。」同時,她又將「阿Sir我撐你」的照片刪除,平息爭拗。
另外,黃依汶亦有在IG貼出藍天相,稱支持警隊護法治,又留tag「#警察不應成為磨心」、「#破壞法治就係破壞」、「#尊重和平示威」、「#理性思考」,但亦有人反問:「如果和平示威有用,示威者又何須自毀前途抗爭?」
任達華晚上亦有在IG貼上一張撐警畫作,他留言:「我撐您,加油,加油。」畫作中就寫上:「無論走到那裏,也要帶上自己的陽光。」英皇高層霍汶希都有like相。