狗公生愛滋
2019-06-29 21:32:57
我住果頭嘅 今日同屋企人出街 就見到福泰樓附近有人圍觀 我當時近視見唔到 但我屋企人見到啲救護人員用白布蓋住 之後見到遺體隻手外露 之後聽到啲啊婆啊伯係度話有個小朋友係2樓跌落黎 以為係細路仔 點知上網見到蘋果果啲話係咩30歲女士墮樓 仲要死狀形容得好慘 依家又話係21歲嘅大學生 仲要因為反送中
唔知大家有咩睇法 繼太古廣場烈士墮樓件事之後 的確更加多人關注左件事 但其實有無諗過呢種看似有意義嘅做法 搞到啲人仿效 係咪真係一個好結果 所以大家係咪應當去責備下呢種做法? 有時呢啲咁極端嘅宣洩方法 我地應該惋惜之餘 同時都要去批評下 我同大家立場一樣 我唔想有任何人犧牲 都唔想見到人地 為人父母果種撕心裂肺嘅喪子之痛 點都好 留住條命 先可以繼續爭取我地要嘅野