發夢雨傘期間係旺角接觸過唔少勇武派既義士
我明白 你地當年被割席 被篤灰 甚至被同路人指責
我都明白 你地當中唔少人被捕入獄 即使沒有坐監
都被多年來既官司纏身 精神打壓 已經心灰意冷
但我仍然堅信你地係愛香港 唔想睇住我地死
係我地當年辜負左你地 希望你地不計前嫌 再次企出黎
帶領我地前線既義士!
咁多年社運小弟都有發夢參與當中
始終冇一批人好似你地咁有系統性 咁有戰略
而且係團結一致 無畏無懼 進退合宜
我唸大家612都有眼所見 我地係不乏前線人員
但大多都有勇無謀 而當中更多既係00後 我好欣賞佢哋
佢哋份勇氣唔低於我地當年 但可惜係佢哋當年冇參與到雨傘
欠缺經驗 一衝即散
因此 懇求更多有經驗既前線義士企出黎
就算唔企前排 都可以帶領我地 提供意見 現場組織
將會事半功倍 更重要係減少被捕 受傷既義士