有好多人散播對港獨既恐懼,講到港獨會累死香港,我都決定轉軑啦,我支持雙普選。
普選訴求沉左五年,大家終於記得民主先係治本既方案,只有完整、有效既民主代議制度,先可以避免香港一次又一次上街,衝突一次比一次激烈。
雙普選唔單止係票投咁簡單,我地要確保民選政府唔會被 DQ,而且民選政府既政策唔可以被中國推翻。
大家最基本須要爭取:
1. 修改《基本法》附件一、二:
1a. 立法會全面直選,廢除功能組別,恢復議員主動提出私人草案權力
1b. 公民提名、普選行政長官
3. 廢除《基本法》104條釋法,取消 DQ 制度
4. 修訂《基本法》158條 及 159條,規定中國不能單方面釋法、修法
5. 廢除《基本法》23 條
6. 修訂《基本法》18 條,不容許中國以附件三形式,引入全國性法律到香港實施,並禁止以任何理由,以中國法律取代香港法律
6a. 凍結《基本法》文件一至文件二十六,由香港議會重新審議通過,方可實施
7. 廢除《基本法》48條 第8款:「執行中央人民政府就本法規定的有關事務發出的指令」
8. 廢除《基本法》17條,不容許中國退回香港議會通過的法律
未睇過《基本法》既人,好可能唔知原來《基本法》有咁多條文限制緊香港自主施政,干預民主政府運作。如果你覺得雙普選係必須既,就一定要大幅刪改《基本法》,確保民主政府有效施政。但你認為中國會願意嗎?
我亦要提提大家,點解2014年會出現佔領運動?其中一個導火線就係中共中央頌佈 《831 決議》,唔容許香港有真正意義既普選,選舉必要由中共篩選,選左中國唔滿意可以推翻結果。
你諗下,點解中國要落下重重關卡,限制香港既民主普選?因為真正既民主普選,就係從中國手上搶奪香港既最終話事權,中國係絕對唔會允許香港民主。
支持港獨既人從來唔排斥民主,大家渴望港獨就係想「人民作主」,但我地明白獨裁之下,民主就係港獨
如果你覺得「爭取雙普選」係會易接受d,我覺得無問題,但係中國眼中,你同港獨份子根本冇分別。所以,點解我轉軑支持雙普選?因為我知道,你最終都會同我企喺同一陣線!
香港人,加油!