如果你仲當香港係一個民主社會，咁林鄭你提出“母親論”嘅嗰一刻開始，就應該要落台。
雖然林鄭你平時睇開百度，但都係俾返wiki嘅link你:
你知唔知乜嘢係“民主”?
https://zh.m.wikipedia.org/zh-tw/民主
總括而言，“民主”係指由人民統治國家，應“以民為本”，並非由總統/領導人統治/照顧人民。
各位巴打絲打，你明唔明點解我接受唔到7婆咁講?民主社會嘅總統/領導人，應該係會聆聽人民嘅意見，經過諮詢同投票之後先會實行。我承認咩都投票係會嚴重減慢香港嘅發展，會一事無成。但連民意都未聽就做，就會變咗做“統治”，亦即係好似極權主義國家同共產主義國家咁...一個人決定哂所有嘢，掌控哂全部嘅人民。
重申: 香港依家仲係民主社會，應該係由人民統治，唔應該係由林鄭“照顧”我哋。如果佢比喻自已做“母親”，我哋係佢嘅兒女，啫係佢已經唔當香港係民主社會。
本人都好同意港媽們“我們不會以武力對待孩子”嘅講法，只不過我嘅重點係林鄭唔再當香港係民主嘅社會，只係聽完北京指示之後，“照顧”香港700幾萬市民
btw祝 林鄭早日落台
認同請分享+正皮
Sorry講嘢1999
