其實我唔係太明點解要搞龍和道?可唔可以答我究竟為咗啲乜?政府又唔係話聽日會審逃犯條例,之前一哥都有講「
一個冇人冇開會嘅立法會你衝嚟有乜意義姐」,而且龍和道本身易攻難守已經係常識
最重要嘅一點,如果龍和道真係發生衝突,會直接連累埋夏愨道嘅人,參考612嗰日,處於「不反對通知書」區域嘅民陣大台都比黑警狂扔催淚彈,如果龍和道真係打起上嚟,黑警幾乎一定會通殺埋夏愨道嘅人,即使嗰班人係乜都冇做過
所以,真係唔好諗住動武,可能會有鬼想煽動你出手,然後黑警就可以即刻通殺你所有人,聽鄺仔講,唔好有人再受傷,唔好有人再流血,你嘅一小個決定足以救全家或者害全家
基本原則:
日頭先去「示威」,夜晚就和理非
我個人意見:
1.)
敵不動,我不動
政府暫緩可能係十日八日,但亦都有可能係十個月八個月,參考2014雨革,佔領冇乜可能維持到咁耐,不如大家先休息一下,等他朝政府真係想再推出,泛見議員一定會事先被通知,佢哋會再發動群眾運動,到時再出手都未遲
(呢個方法亦都係我覺得可以最解決到樓主最後一句嘅問題)
2.)都係嗰句,「
一個冇人冇會開嘅立法會你衝嚟有乜意義姐?」雖然呢句係由一哥講出嚟
但我覺得係有道理,值得花時間諗下
我係唔想再有義士要白白犧牲,當前局勢下我希望「留得青山在」係最好嘅結局