http://s.nextmedia.com/realtime/a.php?i=20190526&s=7015342&a=59640647
「買樓自住唔怕跌」這句買家的話講足多年，從事紀律部隊的90後王生就話「買樓自住點會唔怕跌，層樓都係你嘅資產」。投身社會6年，月月儲逾萬元，未到30歲已儲逾百萬元，自言「買樓主要靠儲蓄」、「買到就買咗先」，去年初買入590萬元遠東（035）及市建局合作發展的深水埗傲凱一房戶。雖然去年底中美貿易戰局勢近日轉趨緊張，但他認為買樓睇長線，「唔急住賣樓，點解驚！」
相關新聞：【我的置業故事】二千萬樓畀一半首期 80後陳太：投資賺番嚟，冇得教！
王生投身社會後學人炒股，早年奉行炒波幅策略，市好時連續幾月，每月賺幾千元，但事實上「而家手頭上揸嘅股票都蝕，無賣到出去。騰訊（700）？有，賣咗啦，哈！哈！400幾蚊買入，跟住未夠400蚊賣咗出去，覺得唔好揸住，換返啲穩陣嘅股票。」
股票市場交不少學費，「而家買股票都可能長揸，唔好似之前咁博升跌。咁多年，買股輸得算唔算多呢，手頭上有啲未賣囉。最差時，賬面上輸到6位數，但無賣出去，好多隻夾埋，有啲好多年前買落，有隻中交建（1800）囉！股票要有啱嘅方法，股票又唔係唔好嘅投資工具，但你要用得啱囉。之前可能唔啱，但會累積經驗，所以而家偏向穩陣長線投資。」
相關新聞：【我的置業故事】沽深圳樓賺兩球返港買樓 港人：大灣區非遍地黃金
工作6年，每月儲蓄逾1萬元，未夠30歲積蓄已逾100萬元，「見手頭上夠資金，屋企人又可以幫少少，覺得可以買到就買咗先，買樓主要靠儲蓄。」他補充，不是買樓比買股票穩陣，兩者穩不穩陣，「視乎買啲乜，唔能夠一概而論，無話邊樣穩陣啲。」
他認為：「你買樓唔會齋諗話自住，除咗自住，第時放租、出售，究竟容唔容易畀你咁做，都要諗埋。買樓無可能唔諗個投資價值㗎嘛！自住都怕跌，自住點會唔怕跌，自住樓都係你嘅資產嚟㗎嘛！」
睇青衣二手樓，經紀介紹深水埗新盤傲凱，「揀呢度主要睇間隔、地區，無特別理咩發展商，但據自己了解，中資發展商就盡量避免，睇親質素差少少，最近咪啟德龍譽。交樓質素來講，就算邊個發展商都唔會抱太大期望，只要唔好太差就得。就算最知名發展商，單位都未必好。」
去年初以590萬元買入傲凱一個一房單位，實用287方呎，最近收樓，中美貿易戰局勢又轉緊張，「買樓自住都怕跌」的他就抱平常心態度，「因為唔係當一個短線投資，就唔會驚呢啲升升跌跌。樓市升跌好正常，樓市唔會永遠升。睇長遠，升跌無乜特別意思，我又唔急住賣樓，點解驚？」他又相信，層樓的地區是自己揀過，覺得有價值，唔會太衰。
資深驗樓師賴達明「明哥」負責驗收他單位，交樓質素算不俗，只是幾處瑕疵，例如浴室企缸玻璃浴屏門鉸刮花、露台門邊有隙及防水膠邊破損。至於客廳與睡房之間的磚牆容易受冷縮熱脹影響，出現一條較長收水裂紋，可要求發展商派員執油，驗樓評分有94分。
記者：陳家雄
時下90% 90後都做唔到
咁易有兩雞野？
