好心啦，同ex分手都唔會搞到咁樣衰啦

一次又係咁兩次又係咁，意見不合嗰時咪走囉，但走都走得灑脫啲啦，走咗又周圍唱，而唱嘅嘢全部都係不著邊際，十足十分手後唱個ex賓州短閪窿臭咁
另一邊就日撚日喺度數以前點俾機會你，又點樣幫你咁，好似人地一世欠撚咗你咁。喂大佬啊，你拍拖嗰時冇錯係就係付出較多嗰方，但針手後又駛唔駛日撚日同ex計拍拖時你埋幾多次單送過幾多禮物啊
最撚煩就係班花生友，食花生嘅就專心食花生啦，其實你take唔take side真係冇人逼到你，但永遠就惟恐天下不亂咁煽風點火，驚死街外人唔知佢地分手分得樣衰咁
你屌柒我垃圾，我又屌柒返你垃圾，其實大家都係垃圾，爭咩啊？真係唔知以為共產黨已經放棄咗香港，大家爭緊共產黨留返落嚟嘅資本啊

如果係分手，仲要係冇彎轉嗰隻，大不了咪del contact unfollow人地，第日喺街撞到一係扮見唔到一係點個頭，好嚟好去，咁樣你咬我我咬你有意思咩？
一翻面就用返以前自己批評過嘅手段去搞鳩人，乜對大局有幫助咩？
數恩情嗰邊又係，咁撚鍾意計，一開始就講明啊嘛，有啲人結婚都簽協議書講離婚之後點點點啦。宜家人地唔想跟你，你先翻晒舊帳出嚟，咁樣叫做道德勒索呀？
唔好講邊個郁手先乜乜乜，事實就係兩邊都on鳩9，咁鍾意玩小朋友齊打交，仲要逼埋旁觀者take side，就咪撚怪香港人心淡喇

張翼咪識點分手囉......好心學下人啦