[真人真事] 三世書不會記載的事 完

Pish 等後記

嚟到故事嘅完結,
我都覺得有啲突然,
可能係我仲想知道而家芙生同阿形搞成點,
想知道部巴做咩消失一個禮拜,
想知道教授會唔會仲有啲證據係手,
好想見到惡人有惡報。

等你篇後記!!

重點想知佢點搞你嚇你

等你後記丫樓主

樓主半生仲未過，唔好咁快覺得咁就一世以後冇女

睇完覺得樓主襯呢段時間不如學下佛，最基本學下放下即自在。
有時人大左，始終要明白，會明白，被明白咩叫過客。有啲人可以同你係一齊經歷好多野，但最後都唔會同你一齊走到終點。
從樓主既角度出發當然覺得條女自掘墳墓，但條女可能真心享受佢依家有既生活，就算將來有咩後果，可能好可能壞，呢個都只能夠講係「業」。
昨日因，今日果。你覺得人地唔肯醒，其實學你朋友話齋，你當時咪一樣唔肯醒。
我地成日覺得壞人係有惡報，但如果芙生真係有實踐承諾，之後真係同條女一齊，生活仲幸福快樂，咁係咪代表冇惡報呢? 無人知將來發生咩事，可能我地睇會覺得一定冇將來，但條女可能就想賭一鋪。咁賭嬴賭輸都係佢自己承受返，條路自己揀，仆街唔好喊。
希望樓主盡快重新出發。

我每日都抄心經嚟比自己靜吓
但依家開始呢招都無用

樓主 我個故事與你差唔多 只不過對象唔係教授而已 花左好多年都無辦法走出的回憶 或者人生有遺憾才完美 加油

回憶哄騙我但凡失去也是美

聽失憶蝴蝶

遺棄的聲音又響起了
遺棄的感覺偏剩下多少
不聽，不觸摸，不痛楚
懶看，懶記憶，懶問我
今天得到的叫甚麼？管不了

樓主
https://youtu.be/lATOXn41M48

諗諗當日上台唱呢首歌嘅人今日走剩幾多個
咁你應該知我個名點嚟

推等後記

距離開學尚有三星期，本來應該四出走走，當作是療傷，當作是轉換心情，當作是…當作是甚麼也不打緊了。不過我每天只顧窩在阿洛家裡，坐在房間的右牆角，甚麼也不做，就看著露台外的櫻花慢慢開花。

是的，阿洛也來日本讀書了，和我一樣都是當交換生。

「咪咁啦，飲杯。」他從雪櫃取出兩罐啤酒，把一罐放在我身邊。他不知道整件事的來龍去脈，只知道阿形跟了一個有婦之夫，和我頭頂變了蒙古大草原。他亦沒有多問甚麼，就靜靜的陪我飲悶酒，每日如是，亦盡量不再我面前提起，反倒是我不斷找到機會，有意無意的把事情拿出來開玩笑，把事情拿出來發晦氣，把事情拿出來，其實沒甚麼理由，明明很想把事放下，卻就偏偏，不明就裡的經常想起，好像腦裡只剩下這麼一件事。

「你知唔知啊，佢話唔鐘意我戴帽，然後佢就送咗頂綠帽比我啊！」

「凌友詩話自己十七歲離開台灣，所以叫女孩，依家十七歲做雞都有啦！」

「知唔知點解要做教授，因為可以十六歲食到三十五歲啊，真係大小通殺，莊！家！贏！曬！個莊贏曬啊！」

「睇開啲啦，可能嚟到識到第二個女仔呢。」阿洛倒說得很豁達，當然有一部份理由是，他自己已經有女友。每晚聽著他和阿嫂的電話通訊，但見旁人談情何引誘，就像心如刀割般。

嗯，曾經也像他一樣。

「你仲記唔記得你個陣話想追阿形。」我把啤酒一飲而盡，站起來打開雪櫃，取出另一罐啤酒。阿洛的雪櫃大概只用來放酒的。

「記得啊，做咩？」

「附送綠帽，再問多你一次，係咪要。不過比個山大成日上報嘅教授派帽，係咪應該要感到榮幸。」

阿洛多只是搖搖頭，苦笑的看著我，一副不知道要說甚麼的樣子。就像是這種事發生得太荒謬，荒謬得不像現實，但現實，就偏偏是這樣的荒謬，就像輪盤可以連開廿多次零。

即是全歸莊家。

痴咗線咁

係咁提個莊字

樓主講到自己中一摺到中五，但都有兩個好兄弟，算好難得

我知點安慰你都無用，老土都要講，唯有等時間沖淡一切

佢話唔鐘意我戴帽，然後佢就送咗頂綠帽比我啊
笑撚死