走堂威龍
2019-04-25 11:28:16
可能會有啲長。
半個月前我係台灣去考電單車好順利考到,之後我地6個人原本得1個人有牌,我地去考車前都已經係啲冇牌既朋友車我去一齊考車,最後有3個人有牌。咁其實我考完之後就唔想揸番架車走,原因係因為我其實仲未好敢係馬路上揸,但係我朋友就話,你冇理由比啲冇牌既人揸架ma,佢地咁講之後我就車住我位朋友走,我超緊張車住位朋友,跟係啲朋友後面,佢地揸得好快,我後面朋友就話佢地就黎唔見,叫我快少少咁我就開到60,之後落斜我就已經收左油要轉一個好大既U形路,當我意識到要轉既時候,已經黎唔切自炒,我朋友就整係擦損腳,而我就塊臉顴骨骨折。
之後我睇醫生,醫生就話建議做手術整骨釘,隔左兩日我就去左做手術,我冇同屋企人講,冇同好熟既朋友講,只係台灣識既朋友知,入手術室前後都係自己一個人,做完手術後有啲朋友黎探我。
但係我每次照鏡洗面,或者睇片笑哥陣右邊臉骨折位會痛
仲一直腫緊,每日個腦都重覆炒車個畫面點解自己隻手緊張到控制唔到轉唔到灣,如果轉到就唔會發生咁既事,我諗就算好番消哂腫,塊面都會左右唔平衡。
我只係想搵個地方放低呢啲說話。