[金像獎八項提名]淪落人討論區

今年女主角，香港女演員出戰cast弱到真係唔夠賓賓同三夫

推！睇左優先場，打算再睇多次！
好鍾意最後棉花飛舞個幕...
成套戲笑中有淚唔煽情，睇完覺得好溫暖，有好多會心微笑感動位，一啲都唔刻意，好希望香港人可以多多支持本土小品電影...靠口碑推到更多人睇！

一定睇

阿sa 始終放低唔到偶像歌手包袱 冇得抽

好好睇，女主都算幾好戲，起碼睇落某啲位唔尷尬
秋生真影帝😭我行過架咋
btw有無人可以解釋下葉童嗰段點解

阿哥反對同飛髮仔一齊，兄妹鬧翻左但其實心入面仲係好愛呢個唯一親人，所以八達通下面收埋張合照，賓妹同阿輝攝多張秋生單人照比佢，即係話比佢知秋生明白佢心意，所以佢忍唔住喊(果下我都差d喊)
最後你會見到佢地又合照左一張，仲要兩個都笑得好燦爛，代表佢地和好左

最衰套野係抄人 其實喎差

如果係咁以後所有輪椅人做主角都係抄intouchables

睇完，感人但唔格硬
有 d 位好睇到我都代入埋

阿Sa諗住靠性嘅大膽題材攞獎點知殺出個做得仲盡過佢十倍嘅小美
講演技阿Sa又唔夠小美同Crisel好,佢都算唔好彩

雖然葉童戲份唔多但都做得好好
好憎阿哥阻止佢嘅感情但同時又好緊張佢,個種矛盾嘅心情

反而覺得葉童太over
場場都怨婦咁
有時會覺得：哇洗唔洗咁呀

無雙嗰啲先叫抄 識分唔識分呀

今日睇完，真係好好睇

黃秋生D演技真係接近無人能及

套戲入面有好多影黃秋生嘅相

張張相都有唔同表情同感覺

好似連張相你都feel到有戲咁

純講演技黃秋生同周星馳真係冇其他人可以比得上

推介各位巴絲入場睇

成套電影好扣緊個「情」字同追「夢」，兄妹情，父子情，朋友情，主僕情，睇時最好袋定紙巾，feel到好多人流馬尿。

昌榮同Evelyn嘅關係處理都好好，幸好冇夾硬將佢地變成情人關係，但得意在，句痴那線完全回應到觀眾期待佢地嘅進一步情誼。

Dream Giver 張相個message連去個仔個grad trip到，意想不到個仔會咁樣完老爸嘅，都幾感人。

有一幕雖然好短但好少少眼濕濕係成班工人姐姐係度吹水時其中一個喊住話老太太死咗要返去

可能以前屋企有工人嘅緣故睇到想喊,雖然話只係打工又平時扮傻,但當個僱主死或者分離嘅時候都會好唔捨得

p.s個幾位客串嘅工人姐姐都交足戲

根本冇料，雛妓嗰排唔係已經sell 過一次大膽演出喇咩，而家又故技重施，人哋新演員唔使除都好戲過佢多多聲啦，班英皇人仲喺度圍晒爐吹奏

本身英皇出盡力去吹奏阿Sa又搵報紙雜誌同查小欣去講到佢幾大突破
點知個個嘅焦點落哂不斷攞獎嘅小美同埋菲律賓人Crisel到

搞到淨係可以拎啲民選影后獎嚟打吓飛機

想問下幾時返香港電影金像獎係咪聽日?

我嚟緊呢個禮拜都會入場支持下

原來係咁，我仲諗緊張單人照係咩意思
感謝解答

果啲姐姐應該都係cast 返嚟 ? 導演講過真工人係完全唔可以做domestic以外嘅嘢， 義工都唔得

係