有冇人到而家仲玩扭計骰

計客 ？

如果係就係粒骰原本內置左藍芽連接電話
打亂左後到還原既步驟都會紀錄好
兼會自動計時
所以係真
不過就唔知對方整到粒骰有幾亂係一個問題
（唔知有冇限扭亂幾多步先俾開始

殘體注意
http://www.giiker.cn/

雙方要跟一樣打亂 好公平

有的

60秒用跟佢做打亂 60秒跟唔到直接當輸

雙方都打亂完 睇10秒後開始
偷步一下加一秒 兩下直接當輸

係計客無錯 年頭買既 對戰幾期先新出
藍芽連手機 有app同粒骰做同步 你扭一下佢都可以即時顯示

除左計時同對戰 仲有D小遊戲
仲可以測手速 我每秒得3.x下

對戰排行榜 D人6秒幾... 好彩對戰未match過

你呢個講法 可以應用係所有鬥快既運動

真係唔知原來有啲咁嘅玩法

其實我屋企人都唔明點解我扭左咁多年都仲係度扭
反而玩一個game 又冇好似玩呢樣野玩得咁耐
我諗都係興趣，我鍾意佢可以有唔同方法扭
可以不停追求進步，雖然而家都仲係廢廢地啦

其實都唔係只係背公式就可以扭得快，
例如CFOP method 入面，
頭兩個步驟，更要求嘅係technique ，
好多人快唔快到除左睇運（會唔會好好彩skip到某啲steps)，都要睇呢兩步你係點處理

另外，除左速扭仲有盲解果啲，對我黎講都幾有趣

冇錯，剩係f2l已經有好多技巧，好似VHF2L同埋咩四向F2L手法之類

有唔同嘅感覺啫，細個係為咗唔知公式就扭到嘅成功感，大個知道咗公式就係為咗時間上嘅滿足感，當你扭嘅時候就會感覺到勁快扭完嘅快感，就會覺得好正，呢個就係由唔知公式到知道公式嘅心理變化

6秒幾應該已經係比賽水平了

又係中國，
話說打敗菲神果個都係中國人黎，叫杜宇生

https://www.hk01.com/GEME/105253/%E9%81%8A%E6%88%B2%E5%A4%A7%E7%99%BE%E7%A7%91-speedrun

其實呢個世界有好多人都想挑戰遊戲時間，以最快嘅時間過關，有個網叫Speedrun，就係一班人鬥快玩完遊戲，好似Mario之類嘅遊戲

而且有一啲人會舉行比賽添，好似俄羅斯方塊
https://www.youtube.com/watch?v=Dh9VaezvVnU

你可以話佢哋無聊，事實上呢啲比賽聚咗一班志同道合嘅人一齊討論一齊開心，係一件幾美好嘅事，上面條片最後佢重有講話有一個叫洗衣俱樂部，佢哋真係會一齊聚會拎啲污糟衫去洗，一齊討論不同洗衣機嘅性能，雖然好多人笑佢哋，但佢哋係樂在其中

所以有啲人你會覺得佢哋做嘅事係好無聊毫無意義，但任何事做到極致就係藝術，就好似之前扮幪面超人pose嘅嗰位豆腐兄咁
https://www.upower.com.hk/article/367902/


總之我都係堅守住一個原則，就係「人不犯我，我不犯人」，同時站喺人哋嘅角度睇件事，有時我會欣賞同佩服佢哋所做嘅事

巴打我覺得你講得好好，
總之大家鍾意扭扭計骰就繼續扭，
有時間就學下唔同方法令自己進步

的確，唔係所有人都會覺得自己做嘅一啲事係有意義或者佢地係覺得無聊或者跟本唔明
就好似我咁，自己唔明點解D人鍾意草下卡牌，
但我就覺得大家互相尊重啦，
玩凡玩，唔好影響自己工作或者學業果啲我覺得就可以

我都覺得純背公式好冇意思，同數學一樣，只有當用公式嘅時候，清楚明白啲公式點解，先至覺得有意思。(當然急住要解決問題嘅時候就係咪都用咗先算)

鬥快，我覺得係浪費咗本身個遊戲嘅設計。所以我打機都好少會玩SpeedRun。
不過我都覺得啲人可以勁快咁做到一樣嘢，係好型。

扭計骰唔洗公式嘅解法：
https://youtu.be/CpMhqrC6HMo

其實要喺短時間之內搵到最短嘅路徑（嚴格啲嚟講唔係最短，係比較短嘅路徑/比較少moves）去solve都唔係咁容易

而家重新由十字做起
初頭發覺8步內有時都幾難
不過上網睇左啲片就而家有啲進步

聽過有種玩法係搵最少步還原，真係好癲。
我玩數字華容道，諗最短解都諗到死吓死吓