是咁的,話說我朋友一直都係住公屋,咁佢上年識咗個女朋友
前幾日就上佢女朋友屋企見家長
一開始大家坐低食飯都係講啲門面嘢架喇
之後又問吓我朋友做盛行呀 搵幾錢到
然後就開始嚟料 問我朋友住邊 有冇諗住置業呀咁
我朋友都好老實咁答佢住公屋
點知伯母就開始扯火:
= 伯母, = 我朋友
伯母:「結婚呢!就要門當戶對! 竹門對竹門,木門對木門!」
其實我朋友平時都算係幾好脾氣嗰啲人嚟,但係今次就好似撻着咗個制咁
佢下一秒就企起身 嬲爆爆咁行去門口度,伯母仲以為佢想走 講咗句「唔送喇喎!」
點知我朋友行埋度門口到,大大力起勢咁拍度門,啪啪啪!一路拍一路講:
「伯母!你哋都係木門咋!! 」
伯母聽完之後呆撚咗 口都合唔埋
我朋友事後講返比我聽 笑撚到我啲腸都跌晒出嚟