市建局「煥然懿居」港人首次置業先導項目申請討論 (4)

【首置上車盤】煥然懿居暫接1.62萬宗申請 超額認購35倍

位於土瓜灣馬頭圍道、由市建局推出的首個港人首置上車盤「煥然懿居」，將於後日（23日）晚上7時截止申請。

項目早於本月3日起接受申請，市建局指出，截止昨日（20日）共收到1.62萬宗申請，即至今已超額認購35倍。

市建局行政總監韋志成於上周日（13日）指出，首置盤「煥然懿居」暫收到過萬宗申請，超額認購約21倍，當中以一人申請者較多，佔約64%。不過，根據最新數字，於本月3日至昨日期間，共收表1.62萬份，超購認購35倍。

派表逾2萬份

市建局指出截至昨日（20日），若不計民政事務總署各民政諮詢中心派發的表格，至今已派出2.23萬份申請表，參加示範單位的人數亦超過1.3萬人。

「煥然懿居」共提供450個單位，單位面積介乎約261呎至507呎，以市價六二折出售，售價介乎314萬至660萬元，設五年轉售限制，料2020年年中入伙。

項目將於1月3日起派表及接受申請，至後日（23日）晚上7時截止，申請為240元。申請者可選擇親身到大角咀福全街6號「市建一站通」取表，亦可選擇網上下載表格。至於遞交表格，亦可選擇親身、網上或郵寄交表。

請先睇以下網址再作討論

官網: https://www.eresidence.hk/tc/index.php

港人首次置業先導項目申請須知:
https://www.eresidence.hk/uploaded_files/shpphkr/1/SH_Application%20Guide_Chi_v11_20181211_tc.pdf

港人首次置業先導項目申請表:
https://www.eresidence.hk/uploaded_files/shpphkr/2/SH_Application%20Form_Chi_Full%20Finalized%20version%20on%2012-12-18_tc.pdf

按揭相關資料:
http://www.hkmc.com.hk/files/product_file/3/711/Premium%20rate%20sheet%20-%20Starter%20Homes%20Scheme%20Eng%20v2.pdf

繼續討論

如果見官係房協人，咁房協即場check完話ok，之後又send 信DQ你？咪玩拉，唔怕人投訴咩

房協個官只係第一個review 你既人
之後仲有好多部門會review,點會之後唔再dq
你睇下黃色果份表有幾多格俾其他個部門review

佢咩料都冇又點DQ你, 都係講個信字，之後check到唔岩資格咪DQ。
同埋唔合資格都格硬黎，比人沒收左首期怨得邊個，唔好唔記得你簽左d咩。唔好講到唔收規矩係應該咁
如果你咁都要搏我冇野好講，只能講比唔合資格既人買到，比人發現左迴響會仲大

試想像自己比左d咩資料人
而d資料只係自律咁去比出黎，政府唔再double check既
咁其實都可以幻想到有心人去欺騙都係易如反掌
然而，比左報名費個d，又排得後既
就比排得前但又唔合符資格既人買到樓
呢個係一個正常既情況而大家又接受?
同埋有成20000個申請者爭450單位
DQ左d人就無人買? 唔好玩啦
連登就咁睇都成20-30個啦

其實唔合資格既都去買呢個盤係咩心態
1) 超出月入既，點解仲要買呢個盤去承受無左個首期既風險？
2) 唔夠月入既，呢個盤又唔係平，要有壓測呢關，仲有dq 風險

1，2同一答案：折後超平，自住一流，博得過

問題係我地可以點舉報唔合資格既人先
上個post #866可能係其中一個case

條友都深潛左，唔明點解會有人覺得虛報冇問題

購買資助房屋單位時向房委會作岀明知是虛假或具誤導性的陳述，即屬犯罪；一經法庭定罪，最高可判罰款50萬元及監禁1年。

如所購買的資助出售房屋單位已正式入伙，法庭更可根據《房屋條例》第26B條作出命令，要求購買人向房委會繳付一筆款項以供沒收，款項金額相等於該單位的原來買價與在判令發出日的市值兩者之間的差額。如所購買的資助出售房屋單位仍未正式入伙，房委會可撤銷較早時與購買人所簽訂的買賣協議，並根據有關條款沒收購買人所繳付的訂金。

因為好多人都犯險緊
而有班人見到政府又唔捉
但其實政府唔係唔捉
係捉左都唔會比你知
比人捉個個又唔會唱通街

以為政府唔會捉
係政府無資源去執行
如果有條友傻傻地比哂資料政府
基本上係捉硬

有個case係有條友開公司
年年報蝕錢
但有一個用個人名買左層樓
稅局問佢d錢點黎

咁呢d風險大家願意承擔
過到海咪神仙囉

勸想搏既人望下壹居玩法，壹居DQ左一半人，係唔合資格而唔係no show 既人
如果你覺得check一千人係一件好難既事，只能講少年你太年輕。政府唔係得一個人做野。成村人跟一個project其實好輕鬆

好奇問一下，你點知係no show定dq，有公佈過數字？

見完官，佢話收左表到5月尾出信揀樓前，如果唔合資格會出信DQ

【本報訊】樓市吹淡風，市建局首個資助房屋項目煥然壹居，提早一個月賣樓仍然無法挽回劣勢，昨首日原安排共68名申請人揀樓，但結果只有20人出現，僅售出19個單位，放棄揀樓比率高達72%。市建局按去年12月市價的八折定價，但樓市下滑，單位變相僅以八六折出售，有買家揀樓後嫌折扣太少放棄買樓。有團體指首日賣樓已經反應冷淡，料賣樓期或長達兩個月。
記者：鍾雅宜

煥然壹居338個資助房屋單位原定下月揀樓，市建局突然宣佈提早至昨日展開揀樓程序，當局共接獲12,642份申請，首534名申請者經核實資格後僅有264名符合資格，分4日揀樓，首批68人昨日分3個時段到大角嘴售樓處揀樓。屋苑預計今年第三季入伙。

https://hk.news.appledaily.com/local/daily/article/20160406/19559226

如果咁都覺得捉你唔到就真係祝君好運

話老母比就得，老母將私記錢收埋係床下底

邊到有公怖？

排16xx收到信 唔知去唔去好😂 另外平時玩開payme wechat alipay刷信用卡 加埋都$15000 ，都唔知計唔計收入😂

自膠，首534名申請者經核實資格後僅有264名符合資格，分4日揀樓，首批68人昨日分3個時段到大角嘴售樓處揀樓。

唔係wo..我記得個陣係吹淡樓市，有頭籌既人連去做審查都唔去。。係咪咁樣計DQ

經核實資格....第一次已經foul走左d明顯唔岩，呢round係揀樓前。
市建話一定嚴格審查，自己google 下，不過信幾多就自己決定啦

其實d人想送錢我係無意見，只係見到d on9係咁話話搏得過，搞到有人以為真心搏得過就無謂，到時喊都冇人可憐你。

有一樣野可以肯定既係會同稅局做cross check，有入息証明仲要你上年張稅單定報稅表做咩？係要睇下同上年爭幾遠，相信無人會突然由1萬變3萬月薪掛？報稅表最公平，你份糧包左d咩都睇到，一係DQ你，一係話你逃稅，或者兩樣一齊黎。最後咪又係乜都無。

其實政府想check你本地資產同收入唔係咁難，只想講唔好咁天真，玩大d，你入伙先話你有問題，唔只首期無左，仲要同返樓價差額比市建，分分鐘咁就一世

做銀行按揭六成就冇人理，六成以上咁的原因mc比你過話你叻