(奇幻、勵志)我入娛樂圈不是當茄喱啡,而是做偶像的。

1001 回覆
152 Like 8 Dislike
2019-04-02 20:15:00
橫掂都借歌 寫隻let it go 出來 沖出世界

搵個女歌手唱 ,send 比迪士尼

英文歌有國際市場
2019-04-02 20:22:36
當年嘅party rock anthem
2019-04-02 20:43:57
The best dam thing
2019-04-02 21:48:04
導演停機後,有人喊道:「喂!阿志。」

我抬頭一看,瞧見來人有點訝異,道:「包叔,點解你會喺到嘅?你今日唔駛返電視城咩?」

包叔道:「我電視、電影兩邊都有做,之前好景,一日踩九組戲,都幾好搵架。梁導演以前都喺大台同事。佢開戲,問我有無興趣試下,我當然要嚟捧下場啦!頭先我見你睇劇本睇得咁入神,先無同你打招呼之嘛!話時話,頭先你嗰場戲真係做得好啊!我做教徒,真係覺得你有一教之主嘅氣勢喺到。」

「吓!包叔,乜頭先你喺到咩?唔好意思啊!頭先我太緊張,只係掛住記住啲對白同導演嘅要求,無留意其他野。」

「唔緊要,專注拍攝、投入角色係作為一個演員應有嘅專業操守,你做得好好啊!」

我聞言,想起了昨天因為自己一時情緒低落,而得過且過的工作態度,便不禁汗顏,我歉意道:「包叔,對唔住啊!我知我尋日嘅工作態度真係好差。」
2019-04-02 21:51:39
包叔點頭道:「你尋日嘅態度真係唔要得,不過我都明白你嘅情況,主角有邊個唔想做,但係一部劇主角得一個,大多嘅人都係做配角、甚至無對白嘅臨時演員。我初時見你個樣咁灰,仲以為你會放棄。做依行咁耐,我見過有唔少人初時好有熱誠,但過一排因為種種原因自動消失,講真依一行有幾多個陞爺、韋仔吖!佢地係有料,但係都要時來運到,把握到機會先上到位,好似嗰邊嗰個暢仔咁,佢唔係無料,佢演技好好,但係做咗咁多年戲,仲未遇到欣賞佢嘅伯樂。」

包叔所說的暢仔,就是當這套戲的大魔頭,亦即是未來那個三奪視帝的劉耀暢。

這時,完成拍攝的劉耀暢走過來,打招呼道:「喂!包叔。」

「喂!暢仔,你嚟得啱喇!我地啱啱講起你啊!我同啲後生講,你演技一流。」包叔直豎拇指讚道。
2019-04-02 21:52:57
我瞧著劉耀暢,剛剛還是一名厚黑歹毒的邪教教主的他,此時滿臉堆歡,和顏悅色地拍著包叔的肩膀話當年,道:「包叔,你又笑我喇!當初我入行時,都係得你教我咋!我嗰陣連對白都講到一舊舊,啲人唔係叫我暢仔,佢地笑我做『漏口仔』,係得你照顧我咋!」

包叔笑道:「依啲都係你自己爭氣,暢仔,你信包叔,你未遇到伯樂啫!你將來一定會紅嘅!」

「承你貴言啦!包叔。」劉耀暢的視線轉向我,拍了拍我肩膀,鼓勵道:「小朋友,我睇過你之前嗰場戲,演得幾好吖!你點稱呼啊?」

想不到好戲之人劉耀暢會稱讚我,我道:「暢哥,你好啊!我叫成皇志,我好鍾意睇你做戲架!你好多作品,我都有睇架!你真係好好戲,做咩角色都咁似,好似豬八戒、周伯通咁,連啲變態角色都拿捏得好好。」

劉耀暢哈哈一笑道:「估唔到你依啲咁嘅年紀會鍾意睇我做戲?」

包叔插言道:「暢仔,觀眾眼睛係雪亮嘅,你有料,遲早會畀人賞識嘅。」
2019-04-02 22:43:35
瞓前入黎望望,竟然有文,正
2019-04-02 23:34:44
2019-04-02 23:37:56
出多篇
2019-04-02 23:39:58
好鐘意春巴嘅故,真係好有畫面

第一部嘅校園d畫面我到依家都重記得
2019-04-02 23:41:12
話是話,之前有位唔記得係爸打定絲打話介紹工畀我

嗰陣由於就快年尾,睇住B仔份上死頂,點知B仔少到仆街,份工又惡頂

想轉工,有無介紹
2019-04-02 23:42:13
但係當出面有啲POST推介啲故,我好少有份
2019-04-02 23:44:07
劉耀暢道:「包叔,走未啊?我車埋你吖?」

包叔搖頭道:「唔駛喇!暢仔,靜間我仲有一場戲,你走先啦!聽日你仲要返早。」

劉耀暢轉向我道:「阿志,你住邊啊?車埋你吖?」

「吓!我住石梨,好遠喎!」

劉耀暢笑道:「叫得你跟我車,你住長洲,我都諗辦法送你返屋企啦!」

劉耀暢在這時期扮演的角色,大多是唯利是圖的市井小人或心理變態的狂徒,但想不到戲外的為人這麼和善客氣。

坐在車上,看著身旁的劉耀暢操控著軚盤,我才有些自己身在娛樂圈的感覺。

劉耀暢突然道:「阿志,你幾大啊!睇你個樣,好似廿歲都無?你應該入行無耐。」

「暢哥,我今年十七咋!喺依行做咗兩個月到,我咩都唔識,有啲咩野真係要指點下細佬啊!」

「你做咗兩個月,就可以有機會擔演到依啲角色,真係好好彩。我86年出道,頭三年都係做茄喱啡,做電視做咗十幾年,都做過啲受歡迎嘅角色,好似西遊嘅豬八戒咁吖!嗰時好多人識我架!唉!但咁又點吖?事業都係載浮載沉,最近連電視都無得撈啊!依家我都係做一日和尚敲一日鐘咋!」

我有點愕然,想不到劉耀暢原來有著這樣的煩惱,亦想不到他會向我這認識不久的人透露心聲。

如果我沒有記錯的話,現在應該是劉耀暢的低潮期,他在大台沒有工作,驅使他全心全意到電影圈闖盪,可是他通常擔演B級電影甚至是「爛片」中的小人物,有些電影更只是發行影碟,成了家的他應該有不輕的經濟壓力。
2019-04-02 23:55:30
遲下係咪會有宛琳珊登場?
2019-04-02 23:56:17
遲下有對手戲
2019-04-02 23:57:41
有文,早抖
2019-04-03 00:03:07
點解咁問
2019-04-03 00:04:40
因為好似記得有講過宛琳珊會入娛樂圈,同介入賭王事件
2019-04-03 00:08:26
繼續留意
2019-04-03 01:20:25
存貨仲有幾多篇
2019-04-03 01:31:19
仲有排捱先有得演柴九
2019-04-03 02:19:34
2019-04-03 14:08:59
LM
2019-04-03 14:36:23
鮑叔係咪影射風清揚鮑方
2019-04-03 14:40:53
真係咁咩
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞