152 Like
8 Dislike
黑鮑真狡猾
2019-03-28 23:42:24
又黎2人合作,谷爆阿志
月夜神
2019-03-29 08:19:46
直接原名加第二部會唔會好啲,始終已經build up 咗嗰朵
明鏡止水
2019-03-29 09:24:06
Agree
唔習慣個故名
春泥
2019-03-29 11:35:58
個故事係第一部延續
主角都一樣
個名好隨意啫
明鏡止水
2019-03-29 11:44:57
點都好,我都會繼續追落去,加油!
ABC9999
2019-03-29 15:00:41
留明
蝙蝠俠超人
2019-03-29 18:02:55
留名支持!
ckkpar
2019-03-29 21:56:17
留名
嗰名的確有啲難聯想起第一部,但睇睇吓又覺得幾有第一部嗰名的影子
艾斯柏斯BB
2019-03-29 22:40:35
無文,早抖
余生餘生食魚生
2019-03-29 23:04:38
好掛住呢句野
春泥
2019-03-29 23:07:44
唔係佢講架
春泥
2019-03-29 23:07:56
自從呂靜宜生日那天,我們分手後,她便到了英國追夢,我們已經有年半沒有聯絡,想不到她會在這時候致電給我。
「嗯,我地都好耐無聯絡喇!怕且都有年半喇!」
「哦…係啊!」
聽到呂靜宜的聲音,我還是有種不真實的感覺,她為何會在這時候找我的?
「我過咗嚟年半喇,點解你一直都唔搵我啊?係咪我唔打畀你,你就打算永遠唔同我聯絡啊?」
我被呂靜宜的說話殺過措手不及,囁嚅道:「唔係啊!我…我都無妳電話。」
「如果你有心搵我,可以問爸爸、媽媽、Humphrey,再唔係,你可以問布甸同莉莉,佢地都有我電話架!你根本就無諗過搵我。」
沒與呂靜宜聯絡一排,她變得牙尖嘴利,我真的難以招架,我像呆頭鵝般,重覆道:「唔係啊!我…我…」
呂靜宜噗哧一笑,道:「算啦!我放過你啦!我有同布甸聯絡,我知道我走咗之後發生咗好多事。」
「布甸,將我啲野都…同妳講晒?」
「嗯!我知道晒喇!」
如果布甸真的把我的事情都對呂靜宜說了,那麼她應該知道她離開不久,我便很快與柳豔一起,她會不會怪我這麼快便忘記她,開始另一段感情呢?
靜默了一會,我才道:「呂靜宜,妳去咗英國,過得愉快嘛?」
「初時有啲唔習慣,但之後適應咗,就OK喇!依到有好多勁人,令我大開眼戒,就係因為有佢地,我先可以不斷咁進步。講樣開心野畀你聽吖!聽日我同啲同學會去米蘭斯卡拉歌劇院演出啊!」
從呂靜宜的聲音,我聽出她是發自內心的歡喜,當初我與她分手是正確的,她不值得因為我而讓人生中留下遺憾,她應該去擁抱自己的夢想。
「我一早都話去追夢嘅呂靜宜先係最型最有光芒啦!」
在我們分手的那個晚上我曾經說出相似的說話。
余生餘生食魚生
2019-03-29 23:08:07
我醒唔起係邊個
春泥
2019-03-29 23:09:07
「成皇志,我估唔到你會考有29分,都唔升上去,而選擇加入樂壇,因為當初你好抗拒我話你有好高嘅音樂天份,你話對音樂無熱誠,就算…我叫你陪我過嚟英國,你都唔肯。」
因為我從2016穿越回來,耳濡目染很多流行歌曲,一次我無意自彈自唱出伊申清的明年今日,讓她誤以為我是音樂天才。其實我自己知自己事,我的音樂造詣與她相距甚遠,我簽約唱片公司,實在是迫於無奈。當初我以沒有天份、沒有把音樂視為終身事業為由,拒絕跟她一同去英國,可是現在我與唱片公司簽約,她一定以為我當初是為了不想與她一起去英國而編的藉口。
我苦笑道:「依層真係一言難盡,只可以講句世事如棋。」
「係呢?你簽咗唱片公司,成為明星,適唔適應到娛樂圈嘅生活啊?」
呂靜宜的說話勾起了我的負面情緒,我言不由衷道:「哦!幾好啊!其他人都對我好好。」
呂靜宜靜默了一會,才道:「成皇志,你有必要對我講大話咩?布甸講得啱,你遇到問題,總係鍾意收收埋埋,唔同人講。你同我講真話啦!雖然我幫你唔到,但係你講出嚟,你會舒服啲架!」
我不知道是我不懂得隱藏自己的心事?還是呂靜宜太過精明厲害?
余生餘生食魚生
2019-03-29 23:09:17
得咁短唔夠喉
余生餘生食魚生
2019-03-29 23:10:09
我收返
春泥
2019-03-29 23:11:52
之前我可以對布正麗坦誠,為何我要對一個差點為我放棄夢想的女孩撒謊?想到這裡,我有點內疚,於是我原原本本把自己這個多月的辛酸向她盡訴。
呂靜宜聽畢後,道:「嗯,聽你咁講,你想放棄?」
我苦笑道:「當初我諗得太簡單,我以為有人安排一切,我就會平步青雲,原來依一行一啲唔簡單,睇嚟我當初嘅直覺你啱,我對音樂一啲天份都無,無資格食依行飯。」
「無同你聯絡一排,你變咗喇!從前我認識嘅成皇志,無論遇到咩困難,佢都唔會咁容易認輸。」
我默然,呂靜宜續道:「就快聖誕喇!記唔記得兩年前,我地一齊備戰音樂比賽啊?」
兩年前的聖誕,我們以2001年才面世的「會過去的」,奪得1998年聖誕音樂比賽合唱組冠軍,我還以一曲「明年今日」與她並列獨唱組的雙冠軍。
「記得啊!時間過得真係快,原來咁就兩年。」
「音樂可以治癒人心,我地都好耐無JAM歌喇!你最近有無新作品啊!我地JAM下。」
我啞然失笑道:「依家?喺電話到?長途電話費好貴架!」
「怕咩啫!你又唔係唔知我屋企有錢,最緊要你有無好作品!」
余生餘生食魚生
2019-03-29 23:13:42
好囂張,你又唔係唔知我屋企有錢
艾斯柏斯BB
2019-03-29 23:25:56
好掛住靜宜
更加掛住夜夜追文既日子
單吊西3喇
2019-03-29 23:30:19
變左double may
安祖•羅拔臣
2019-03-29 23:55:59
靜宜串咗咁多嘅
發夢王李大有
2019-03-30 00:09:35
發咗育未?
大比中比細比
2019-03-30 00:10:20
靜宜