《第一章: 夜中初遇》
序: 正所謂行行出狀元，有人創業創出一片天空，有人做醫生律師終生平步青雲，亦有人做豬肉佬...救世界。這個豬肉佬正是棋靈朗(棋靈王的後裔)。阿朗是一個20歲的青年，從6歲開始便每天放學都跟父親到街市賣豬肉，一跟就跟了十幾年。畢業後，阿朗的父親已經年老，母親又患有老人痴呆，於是阿朗決定繼承父業，成為一個專業的豬肉佬。想不到，一個平凡的晚上把他的人生變得不平凡。
究竟豬肉佬可唔可救世界?
2070年2月14日。(情人節)
黃昏時分，街市都被師奶們逼爆。
「喂，陳師奶!今日靚左啵!」
一個壯實高大的青年高聲說。
「阿朗，今日啲排骨靚唔靚呀?」
陳師奶笑說。
「靚就緊係靚啦!可惜點都靚唔過你囉!」
那個青年笑說。
「你真係識講野! 就廿蚊排骨啦!」
「好呀!」
那青年說完便舉起那把家傳的豬肉刀，以純熟手刀法，把排骨斬好。
「唔該晒你呀! 阿朗!」
「客咩氣呀! 聽日照舊留返最靚嘅排骨畀你!」阿朗笑笑說。
隨著黑夜降臨，街市的人也慢慢消去。
「咦! 阿朗，今日情人節啵!冇女陪咩?」賣魚的林太太說。
「咪玩啦林太! 小弟到而家都仲係A0，邊有女呀?」阿朗苦笑了幾聲。
林太太不懂什麼是A0，問道:「咩0哇?」
「青頭仔嘅意思呀!」阿朗也懶得解釋，於是便亂說一通。
林太太聽後臉上一紅，咯咯地笑說:「哈哈! 快啲搵返個女朋友啦!」
阿朗每天也是最後才離開剩市的那個，這天也不例外。
「錢又無，女又無!」阿朗一邊收拾檔口，一邊喃喃自語地說。
突然，街市的天花板發出巨響!
阿朗吃了一驚，向上一望，竟然有兩人從天花板掉下來!
那二人都穿著黑衣，帶著面罩，像是電影中的特工。
等到好苦啊
