[重製?]一句分手，一張好人卡，從此顛覆我的生活

唔係
BTW 其實本身係當甜故咁出，但因為翠宜本人表示唔好寫太多甜(當然都會有既)所以就

諗番起當時未識飲酒果時既酒量，幾乎係每一個人都可以隊冧我一次，當然依家既酒量好就係後話啦…

訓左唔知幾耐，我發現點解條頸好似軟林林，又有d香味，於是打開眼望一望，點解我視線有對波底係度既？(雖然係微波)

「你醒喇？飲杯茶先喇…」凱琪低頭望住我

「我訓左幾耐？」

「半個鐘度者…」

我坐起身，飲完杯茶…之後一陣想嘔既感覺就湧上喉嚨，我9秒9衝左去嘔，之後阿巨同阿靜都入左黎廁所睇我嘔成點。

「屌，乜你咁屎飲幾杯就唔掂仲要兩個女仔去照顧你，失鳩敗」

「有個唔係女黎架屌…」我講完呢句繼續嘔…
我指既當然係阿靜啦，自我小學識佢果時開始，我除左佢身份證寫住個F字之外，我完全唔覺得佢有邊忽似一個女仔

當我嘔到乾乾淨淨想大戰多300回合果陣，我發現自己已經行唔到一條直線…而呢個時候凱琪一早係門口等緊我

「不如送你番去喇…」咁大個人送女仔番屋企就多(多數係我屋企)，比人話送我番去我又真係未試過…

「唔駛，我繼續飲…」

「咁你唔走我走架喇…」

「得得得你贏，我番去就係喇」

結果我比凱琪拉住我去搭的士…

當然我係可以唔走既，但係無論係一個朋友既角度，又或者係教舞既導師而言，呢Ｄ情況其實無得你話唔走

係車上果時，我已經醉到Wing下Wing下咁，我就係咁講

「好暈呀，飲醉酒真係好辛苦」

凱琪見到我咁樣，於是就話

「你挨過黎喇」

聽到佢咁講，我都好老實不客氣咁挨左係佢膊頭，果一刻我個心好平靜，好似終於可以有個人比我依靠下…佢身上既香氣(應該係洗頭水味黎)淡淡咁傳入我個鼻度，果一刻好似洗淨左我所有失戀以黎既不安。

呢個時光唔係過左好耐，的士番到我樓下喇

「你醉到咁，駛唔駛送埋你上去…」

「唔駛喇咁大個人，你番到去打比我先係…」

道別之後，我就番左去訓覺，當然喇，唔駛講佢打比我果時我已經訓到死豬咁款…

如果唔係呢件事，可能係幾個星期之後，我唔會做一樣自己撻著自己既舉動…

推

Cls 成個星期都11點鐘收工
堆埋今日一次過出

resign算啦

之前走過一次啦 結果搵成年都搵唔到工
無紗紙既DESGINER真係狗都不如

「１，２，３，４，５，６，７，８再黎… 」呢句說話，我諗重覆左應該有幾十次…

「後日出Show喇唔好偷懶喇 」我大汗疊細汗咁繼續講

10月23號…果日我同阿靜幫d學生做最後既練習，因為25號係Mega box接左個show黎做，所以呢排不斷咁同佢地補堂特訓…

當然係無收學費喇…

「最後一次喇，無問題大家可以收隊去食飯喇 」

隨住音樂響起，每一個學生都將佢地呢幾個月黎學到既野盡力發揮出黎，雖然佢地唔係學左好耐，不過正好有個機會比佢地試下自己呢幾個月黎學左d咩。

「都係唔齊，再黎喇，拿拿聲大家黎一次好就收隊收休息架喇！ 」我雖然成身汗，但都儘量去同佢地一齊排。

「搞掂，依家10點，一齊去食飯之後，大家有一日既時間休息，咁25號係地鐵站等喇」

「阿俊？」

係我抹緊汗既時候，凱琪叫我

「咩事呀？ 」

「其實我咁遲先加入，我怕我跟唔到，如果我真係唔得既你可以唔駛我上台架wor… 」

「傻既，我話你得就得喇，唔係個個排咁耐做乜野，去食野喇！ 」

就係咁，去到表演果日，大家都好盡力去發揮，而表演完之後我都私底下um荷包慶功…
而出完Show之後，我仲手痕幫凱琪影左張相（搵左好耐先搵得番）



而當大家食完野之後，阿靜話不如出旺角行下，咁我就拉埋凱琪一齊出去。

出到旺角，一齊行左陣街，我地隨便去左一間好細既Cafe坐，果時都已經成１點幾，間Cafe好似係開到3,4點先收，果時走淨一兩枱客，咁我地3個人都係咩都講下咁，其中有個話題係咁既…

「喂，你依家有冇新目標者 」阿靜問我

「我答有定無你會開心d? 」

「係囉係囉，你有冇鐘意既人者 」凱琪都追問埋我

「不如我地唔好講呢ｄ咁嚴肅既問題，講下希望自己未來既對象係點呀，我講先喇！最好夠獨立，鍾意睇書同識彈琴就最好喇，睇落有氣質少少嘛…」

「岩Feel既就得喇！你地ｄ男人咁多要求架 」阿靜答我

「我都係睇感覺架咋…」凱琪都答埋一份

「咦…岩岩講完琴，真係有部電子琴係度… 」其實我係唔識彈琴既，係識彈幾下Ode to Joy呃下女咁，我仲要係琴譜都唔識睇果種黎…

我篤左幾下，凱琪行左埋黎…

「我又黎彈下！ 」

我讓開左個位比佢，見凱琪坐左係度，彈埋我未彈完果首Ode to Joy

https://www.youtube.com/watch?v=QVlD0fih-dg

果陣既我，除左聽住佢彈琴之外，拎起左部手機影低左呢一刻。





唔知點解係我面前既凱琪，令我有少少著迷…

之後會有講 因為半月版裂左

CLS我老闆又玩MISSION IMPOSSABLE 一日扔600幾張圖同你講一日執晒佢，你估真係噤個制就得呀:0)?

斷埋ACL? 跌舞要轉隻腳，傷呢兩樣野就應該好難做到了…

係萬聖節事件之前，係度加個小插曲：

我地將時間線跳一跳，黎到2013年上下既元旦，當時我24歲…

凱琪醉醺醺係我面前，一路同我呻佢男朋友既事…

「佢掛住搞生意根本無時間陪我…」

「咁男人為事業拚博時間少好正常既係咪先？」

一路聽講呻，其實都係離唔開幾樣野：佢男朋友無時間陪佢，一見面就嘈交，同埋對佢郁手郁腳…

當然，人係佢自己揀既，正所謂條路自己揀，仆街唔好喊…

咁點解我會同凱琪出左黎既，事源就係元旦成班朋友出去飲酒，而我又咁岩係佢Facebook見到佢post話自己無出街…

於是我就唔知點解叫左佢出黎…(我真係唔記得左點解)

幾年後既凱琪個樣無咩點變，可能因為我已經對佢無咩感覺，呢幾年黎「學識廣博」既我，係呢一刻唔知點解寧舍覺得佢對大脾特別粗…

凱琪已經黎左2個幾鐘，期間一路都係度飲緊酒…

我已經知道佢已經醉得七七八八，而且仲開始有少少語無輪次…

而我呢？我由9點鐘已經開始係飲到依家3點鐘，你話一d事都無就假既…

咁大家飲下飲下，都差唔多去到散場既時候，我就問凱琪駛唔駛送佢番去…

「喂，駛唔駛送你番去呀？」其實我都係循例問下，最好就唔好啦係咪先？

「你好似住呢度附近呀係咪…？」凱琪竟然反問番我轉頭…

「係呀，我行2個字度就番到去…」

「咁我上你度訓啦…」

「乜撚野話?」當然呢句我無講出黎…

我即時呆一呆，雖然我知道女人係酒前酒後係兩個完全唔同既樣，但完全無諗過佢會講呢番說話…

「都得既，我分半張床比你喇…」

於是我就告別左朋友們，帶凱琪番去…而事實上，我只係打算帶完佢番去我自己就訓廳…

由於行番去中間會行一條長斜路，而我扶住行到一仆一碌既凱琪其實都幾麻煩下…

之後我行前左兩步，示意揹佢番去…

「你著住高爭又醉成咁好易仆街架，上黎喇…」

凱琪好老實不客氣咁跳左上黎…係呢個時候，我突然諗番起以前都揹過另一個女仔既感覺…

不過…屌點解背脊個觸感完全唔充實架！！！

對上一個我揹既女仔叫翠宜，相信有唔少人都知佢係一個非常有事業心既女仔黎，相比凱琪…我諗只可以用肉餅黎形容

因此凱琪好輕既關係(我諗應該100磅左右，咁無波又唔高咁上下啦應該)，所以其實都唔算話好辛苦…

而一路行，耳邊一路聽到凱琪既呼吸聲，同埋少少既酒味…

番到屋企之後凱琪就除左件外套(無記錯果時好似好凍下)，而我就怕佢走光比我睇蝕，所以是旦比左件衫佢笠住，之後佢就9秒9老實不客氣咁鼠左上我張床度…

唔知係天意定係巧合，咁岩呢一個元旦我父母去左旅行，而屋入面就只有我同佢…

亦都係因為咁，呢一晚發生既事都成為左我人生中其中一大既懸案…

當我係個廳度打算拎多張被同開張梳化床出黎既時候，凱琪大叫我個名…

「做咩仲未上黎訓呀！」

「我話訓廳呀嘛…」

「張床係你既無所謂啦，你咪上黎訓…」

我唔知呢個係凱琪既本性，定係呢幾年佢已經變得太多，突然之間我唔識應對…

當然一定有人話「有食唔食，罪大惡極啦！」但正正係因為係果時既我，對性呢一樣野開始已經唔太大興趣，又或者係另一個答案：對佢無興趣…

本來已經醉緊既我，只好上埋床同凱琪一齊訓…而最後令我有印象既，就只有係被竇入面佢既氣味，同埋佢對腳好似當我攬忱咁鉗到實一實…

到左第二日當我打開眼既時候已經下午2,3點，而凱琪已經唔係床度，我落床搵一搵佢，發現佢應該已經走左…

而留係度既，就只有我借比佢果一件衫，件衫仲有一陣淡淡既氣味係度…而且…乜今日咁撚凍既？

當我回一回過神既時候，我發現自己上半身乜衫都無，而且下半身就只係著住條孖煙通…

我好努力回想上左床之後發生既事，但苦思良久，只有零碎既片段，分別係：

好似有攬過佢，佢好似有錫過我，同埋好似有印象佢有騎過上黎我身上…

酒量已經算係幾好既我，好少可會咁樣完全斷片…


到底果晚發生過乜野事？？？？

我直至今時今日，都唔知道個答案…

當然我之後亦都有問凱琪果晚發生過咩事，但凱琪只係用「你估下？」去回應我…

而呢一件事，就成為左我人生其中一件酒醉懸案…

咁又無，我無記錯個醫生係話後半果塊，同埋咩內側既韌帶都有損傷，醫生有提議過我做手術，不過聽到半年要坐輪椅同復康當時我拒絕左(果時心諗半年都要坐輪椅咪唔駛溝女同出街?

之後有睇過趺打，又有針炙過，加上都成2-3年無點運動，只係做一D關於肌肉訓練既運動，依家自己就既話出去跳舞(好輕度)正常係無咩問題，只要唔跑得好快，又或者比隻腳承受太大壓力(例如一次落3級樓梯，係高處跳落地唔用右腳做主力腳既話)，其實輕身既運動係OK既，試過趕住番工係天橋落樓梯一痛成個碌撚左落去，好彩都係10級度而且係冬天著得夠厚

至於點傷，會講番既

記得係舊登追過 希望唔好爛尾

其實真係可以po快啲

我個痴線老闆日日都迫爆我既工作時間，依家得閒死唔得閒病(星期頭哮喘發作都比佢屌左一輪)

我依家既感覺就係:

過左幾日之後，者係10月31號萬聖節，咁個個都當然出去扮鬼扮馬啦，其實我一直覺得好多女仔唔駛扮，果日唔化妝咪得囉…

而果日我都約左朋友出去玩，咁其中有阿巨啦，凱琪，仲有個朋友叫震榮。咁我地一行人其實都係隨便化個妝貪玩出去行下咁，而我係尖沙咀同凱琪集合先既，無記錯當日佢係著左件黑色有少少似漆皮既緊身衫，一條黑色短裙外加一對Boot，而我呢…黑恤衫黑褲，化左少少妝，搽左黑色唇膏咁

咁我就同凱琪去左食野先，而坐低之後，凱琪就問我

「今日我著成點呀」

其實對於我黎講，一個女仔著得好唔好睇其實我係唔多識分，不過當然我一定會讚架啦
「唔錯呀，不過剩係化妝換件衫出黎好似dry左少少」

係讚一個女仔同時，最好係加入少少個人意見入去，咁樣對對方黎講唔會太過敷衍。

而凱琪一路食野一路同我傾計既時侯，佢突然靈機一觸咁拎左支眼線筆比我…

「喂一陣不如你幫我畫d野係條腰度丫」

「我剩係識畫火柴人咋播…」

「唔係呀，我見你整果張卡片都幾靚呀…」

喂大佬設計同畫畫兩回事黎架好無，當然呢個道理，係當時既我係完全未理解到既…

於是食完野之後，我原本由坐係佢對面，變左坐係佢隔離，開始思考係佢條腰上面畫d咩上去喇…

「咁喇，你英文名係K字頭，就畫個K字上去啦好嘛」

「好呀!」
坦白講，化妝我識少少，畫畫我都叫識少少，但係結合埋一齊，仲要用支眼線筆去畫我就真係未試過…但凱琪要求到，咁就唯有頂硬上啦…

由於畫上皮膚同紙既質感，而且畫既方法都唔同，結果係折騰左好耐之後，終於叫畫左D野係佢既腰上面



咁畫完果時，其他人都差唔多到齊，於是我地就開始出發去周圍行下同HEA下…

果日周街都係人，我係行既時侯都係專登係凱琪前面，可能心態上係想保護佢怕佢比人撞到，行左幾個鐘。到左最後我地買左幾支酒，去左尖沙咀文化中心後面條長梯度坐，阿巨就打眼色叫我去同佢兩個人傾下。

「死仔，想追凱琪呀？ 」

「我其實無諗過呢個問題…我剩係覺得想保護佢 」

「咪者係想追啦！」

「傻啦，佢係我學生黎，又係Model，我呢ｄ窮L點襯得起佢 」

「追女仔邊有呢D野架，慧慧高過你，你咪又係一樣追到手…」

「所以最後我咪戴帽囉…唔好提佢喇好嘛？ 」

「咁我係想講，你追一個人，一係去，一係唔去，無分襯唔襯呢回事」

「我明白，但我未知道自己想點 」

「無論點都好，總之都會撐你啦」

我地兩個傾完之後，行番埋去佢地度。呢個時候，我竟然見到咁既一幕

凱琪已經飲左3,4支酒

雖然唔係大支既啤酒，而係10幾蚊一支果D Vodka Lime，但其實飲得多都會醉，我見到佢飲咁多之後，就問佢

「嘩，做咩飲咁多？ 」凱琪無答我

我一手搶左佢支酒，然後一啖吹晒佢

「你做咩搶左我支酒呀 」凱琪望住我，我見到佢塊面有少少紅，有少少扁咀既樣其實同慧慧有幾分相似

我之後先知道，原來大部分女仔扁咀都係一鳩樣，無話邊個似邊個

「做乜飲咁多先？唔同我講就唔比你飲 」

「無呀，只係有野諗之嘛」

「咁你諗完先飲喇！ 」

「我講喇我講喇，你拎隻耳仔埋黎」

我聽完之後…我個咀變左做一筒…

「乜撚野話？阿靜想追你？ 」

我既驚訝程度就好似發現條女原來係男人一樣咁撚震撼…

「幾時既事黎架？ 」

「佢一直都有日日Send SMS比我，到左尋晚佢同我表白，我無回應佢…」

「佢唔係有女咩？ 」以我所知，佢女朋友叫卡卡，同我中一間中學既，好似識梓愉但同我完全唔熟。

「佢話佢條女成日都對佢動手動腳… 」

「見人做TB就見得多，做到比女恰番轉頭都有既？ 有冇興趣叫佢參加2009年笑話比賽，有得入圍播 」雖然我同阿靜係小學已經開始識，但係呢個情形，我選擇左幫凱琪果邊。

「咁你自己有咩諗法先？」我追問

「其實我好怕我拒絕佢之後黎跳舞好似好尷尬咁，但我都唔係Less…」

「我完全唔覺佢追過你播… 」

「其實係你飲醉果日你去左玩果時，佢已經想攬攬錫錫架喇 ，只係我拒絕左…」

「嘩乜仲狼死過我地男人既 ？咁之後呢？」

「咁你醉左，我見到咪睇住你囉，咁佢見你係我隔離所以就正常番…」

「者係你搵我黎做擋箭牌？ 」

「唔係呀，我真係擔心你架！ 」

「你搞到我有少少分唔到真假…咁其實你係唔開心D咩呢」

「我驚大家見面會好尷尬…」

「傻既有咩好尷尬，你係我果邊既人黎架嘛」係教跳舞果時佢係由我教既

「輕鬆下，講其他野唔好搞到咁彊啦」

我試下轉換話題，我都無諗過，係呢一晚之後，竟然到我追佢…

果晚其實幾大風，我地之後又買左幾支酒係度一邊傾計一邊飲，傾傾下阿巨同震榮都要番左去，得番我同凱琪兩個係度傾計，其實同佢傾計係幾舒服既，天南地北都可以講一餐。佢一直比我既感覺係幾顧人感受，比我既感覺都仲係幾Pure，所以一直以黎我都當佢半個妹妹咁對待…不過有一樣野我之後先發現…

你老味原來我係個妹控黎…

我同佢一直傾，傾到差唔多四點，凱琪本身已經醉醉地挨左係我膊頭度，我本身除左件嬲冚左係佢身上，但尖沙咀又大風又寒，所以我就問凱琪

「係咪眼訓呀，不如番去喇…」

「我想傾多陣先…」

「呢度凍Wor！一係咁喇番我果邊坐多陣先搭車囉好無？」

「嗯」

之後我同佢開始行，截左架的士番左我果頭附近，之後係地鑼站附近d凳度坐左係度…

咁係期間，我亦都有輕輕咁帶過下我同慧慧之間既事

「其實你覺得我係咪一個好失敗既男仔?」

「唔係呀，你好照顧得人，而且份人都好好呀…」

「如果我咁好我就唔會戴帽喇…」

「佢唔識貨者，唔好咁話自己喇！」

「你應該係第一個咁讚我既人黎，其他人都係話我串，唔正經咁」

「唔係呀，我覺得係你外冷內熱者！」

「係呢，等我八卦下先，你有冇心上人呀？」

「唔話你知！」

就係咁，我一直同佢傾到差唔多六點…我見佢開始眼訓就同佢講，不如我同你去地鐵站搭車，當佢想行果時，佢已經行唔到直線，著住對高爭鞋仲行到就黎仆街咁。於是我行左埋去佢身邊同佢講

「企係度唔好郁」

「呀…」

唔知係咪因為飲左酒之後個人大膽左，我一下就公主抱起左佢，而果一次，都係我人生第一次咁抱女仔…


我一邊抱住佢，一邊行，大家全程都無講野。到左地鐵站果度要落一條好長既樓梯，凱琪就搖一搖我問我駛唔駛放佢落地行，我就同佢講

「一陣你仆街就碌落去架喇，等我黎喇…」

唔知係咪抱住女唔覺得攰定係佢真係好輕，我一路行樓梯都唔覺得重，我望住佢微紅既面，隻手Feel到佢個心跳得好快，果陣時好想衝動錫過去，但結果自己又唔敢。

落到去之後，我放番低佢，摸一摸佢個頭同佢講

「送埋你番去好無？」

「唔駛喇…你聽日都要番工」

「好喇咁…你小心d呀知無，番去打比我喇！」

我同佢就咁告別…

係番屋企既途中，我不斷諗緊一個問題：

我係咪真係鐘意左佢…

最近香港發生左好多事，作為一個Graphic狗都為香港出左少少力

希望大家可以繼續為香港加油啦

前日出繼續出po果時無啦啦熄燈

依家繼續出番先