[窮撚& 新手專區] 油卡/油劵集中討論 3 [月經]

估唔到開到1001。希望大家擁躍分享


利申先：小弟並非任何油卡agent，只係因為窮，所以會睇下點入油最平。以下係小弟小小分享，拋磚引玉用，所以資料唔完整。


現時香港有5大油公司，基本上油價都係一樣，一般都只係靠油卡同油券提供優惠。以下為小弟已知嘅油卡資料：

Shell:
現金卡：普通Shell Bonus Card 每L -$0.9，有special Card 申請，每L -$1.9,而每入滿$1500 有$50 油券送。另外有油卡港島區2200後-$2.4。（冇油券）更新：而家星期一同五都有做過-$2.5、不可配合油券使用

月結/Agent 卡：-$2.2至2.4 不等

Esso:
現金卡：基本Smiles 卡-$1.5，逢星期二同星期五（有機會改）做-$2.x重點係儲積分可以7折換超級市場禮券。但要注意優惠呢兩日一般較多車去入，所以有機會要排隊。特惠日不可配合油券使用

月結/Agent 卡：-$2.2至2.5不等

Caltex:
現金卡：Joyful Card -0.9。另外可配合恆生卡每入$800 有$80 cash dollar rebate

月結卡：紅卡-$2.5小弟認為入Caltex 要玩月結卡，與agent 卡唔同，Caltex 私人能源卡/月結卡（俗稱紅卡）係油公司自己出，較為有保障，另外佢最特別係可以配合油券用。我見過最多有入$400 送$50 油。結合紅卡優惠，每L-$3.x

星期六優惠增至$2.5、不可配合油券使用

中硬化：唔敢入亦唔想幫襯

中石油：同上。

FAQ:

Q:現金卡有咩好/壞處？
A:現金卡一般折扣較低。但由於每次用現金/信用卡結，可以免除被收多錢風險，亦可以儲信用卡積分。而大部份現金卡都可以儲分

Q: Agent 卡點解折扣特別高？申請好唔好
A: 一般Agent 同油公司簽咗合約，Agent 每月要包銷一定數量油，所以佢透過其他車幫手消費，再賺中間差額。

雖然折扣額高，但有唔少潛在風險，例如申請時需要提交大量個人資料，例如銀行戶口號碼/信用卡號碼，曾經有Agent 非法盜用卡資料同個人資料。另外佢個折扣額可以隨時更改，可能到你收到月結單，畀人收咗費先發現折扣額變咗或者收咗手續費。

Q: 入貴油好唔好，分別喺邊？
A: 貴油同平油主要係添加劑不同，兩者辛烷值都係一樣98。有研究話貴油平油里數個表現都一樣。小弟用過貴油，感覺上轉數上得快少少，機頭又好似靜少少但我分唔到係咪心理反應。總之貴油的確好過平油，值唔值就見仁見智。

Q:有啲巴打話佢張卡減到3蚊甚至3.5，點申請？
A: 的確有啲油卡折扣特別高，但唔係一般人可以申請，佢地多數係公司卡，例如地鐵卡，Uber Card 等。

No la
呢張指明用匯豐卡
得-$0.9

0.9我walk in去整現金卡都有啦

但現金卡搭張The One$400送$50都輸呢張$10喎

紅卡抵定係現金卡+400送60抵呢