番左呢份工已經三年,靜係請過四日病假,其中三日係做完牙科手術請既,但有時都會因為辦公室好易病菌傳黎傳去而中招病左,我老豆永遠都係堅持我病左都要番工,要番到去俾人睇病到死死下,等人同情你,覺得你好勤力好有HEART先係好員工。
但我自己覺得,其實冇人會同情你、可憐你,番得工就預左要做野,冇100%都要交80%出黎啦,好多時根本病到連30%效率都交唔到,自己又辛苦又唔可以訓,都唔知為乜
呢幾日又病到死死下,番工又眼訓又頭暈又咳仲狂打哈痴,感覺D同事見到我都驚,到今朝仲係咁差,喉嚨痛到講野都講唔正,咪同老豆講打算請假抖下
點知佢大發雷霆又話我逃避、唔面對困難、溫室長大點點點,由細到大都係咁逃避逃避 鬧完我一餐之後仲自己出左去
果下個心真係好難過,點解佢一定要我番工,連我想請假都想阻止,上年已經迫我發燒番工,番到去根本唔會有人同情一樣勁多野做,仲要番左工之後愈燒愈勁,放工即刻衝番屋企冇換衫冇食野直接訓左10個中
究竟番工病左請假係咪垃圾,係咪咁廢