保險越早買越好？

有個親戚做英國保誠，係咁水我阿媽買保險。係唔係醫療同危疾最實際？人壽同儲蓄係咪冇乜用？

聽佢話越早買越平，同埋親身體冇毛病嘅時候買，如果唔係日後好多限制同更加貴。

人壽 買 TERM LIFE , 先有用, 又平, 危疾係要買, 儲蓄保係 ON9 呃人

儲蓄就一定唔買 其他睇清楚先買

唔一定，睇你識唔識做投資。唔投資嘅人，啲錢係長期on99擺saving，就買儲蓄型好啲。

term life 越買越貴，當你25歲開始買，買十年加埋用$50000左右
儲蓄鎖住筆錢可能講緊$200000 但可以回本攞返錢

利申非agent

最近先買左第一份全面啲
唔知人壽定危疾有少少儲蓄成份
但純儲蓄就不了

認真，醫療要買，公立咩樣大家有眼見
人壽就，唔好買儲蓄，佢基本上係安家費嚟
情願買大少少保額，有舊錢俾屋企人處理同生活

只係買左top up 同term life

英國保誠個醫療係入場券制度，你入左去之後就點claim都唔會踢你走，所以呢部分佢係岩，襯病歷少快d入

想問下人壽+儲蓄果隻叫咩？
（例子：每月供2k，第二年開始每年派10k，唔拎出黎就一路生息果種，有人壽成份）
本身想買份黎幫自己儲下錢
見好多巴打都話食水深唔好買
係咪就係講緊呢隻？

用真實例子話你知係

我媽媽後生無買醫療保險 之後發現開始有女人病先想買返

但保費每月貴勁多 幾倍至十倍不等

所以呢類保險趁後生趁健康就好買 始終你唔知幾時身體會出事 到時再買就貴好多亦未必受保

除非你有幾百萬閒錢隨時拎黎用拎黎醫啦


最重要搵個好中介 唔好變孤兒單同埋睇清楚條款先買

後生要供樓家庭支柱
最少買一份term life
保額要夠cover按揭貸款同at least一年家庭支出

我做法同 rationale (有點怪但不喜勿插)

最好BB一出世就買危疾同人壽，無投資相連

只睇保證紅利果行，非保證當睇唔到，agent講到天花龍鳳都唔理。唔guarantee就唔guarantee，你問老豆老母果輩就知。

上一點既引申，咩供到十幾年就可以用紅利黎供既融資保險，又係非保證，唔好盡信，好多case (eg 醫療融資) 到左期仲要繼續供。只買guarantee供x年唔使供果d

又係引申以上，有agent會話非保證紅利而家已經用3%或4%黎計，最差咪無晒，唔價差好遠。因為依個世界唔係個個agent讀過mba msc finance,無人覺得未來唔會負利率。

人壽簡間最平既黎買，要claim簡單，死亡證就得。

危疾間間公司都唔同terms,買保險係為左保障風險，我如果要cover 100萬保額，我會分3間買三份危疾每份33萬。幻想下危疾出事果時已經得番半條命，個人已經荒亂，如果仲要晒時間同agent拗數邊d有得claim,理影響生理，仲快死。不如plan for unplanned將依樣野放埋係預計範圍，如果你買三間唔同公司都claim唔到，就係天意。

引申以上，危疾你預左每三四年，間間保險公司都會出新板本危疾，可以claim多重的，可以減少再claim時等候期的，可以包多d危疾的，最新有隻可以賭錢咁-可以預早用4成claim下一次多重危疾既quota,你預左好似年供股票咁幾年睇下有無需要upgrade買新。好似幾年換一次iPhone.

醫療如果公司有就可以買可以唔買，因為唔會早買平d,即係無論你十歲有無買，到三十歲果時你新買保費會同買左既一樣。但唔係一定唔使買，因為你好采係公司做十年，十年都無買，但十年有某d大病，咁十年後你離開公司先買，出面會唔包你果個病或者loading加。所以要諗一諗。如果你公司plan比你離職後都可以自費買醫療又包番本身十年都有既病，恭喜你。可以慳番一筆

年供好過月供，計番差6至7個巴仙，自己儲下錢當6厘定期吧

Agent鐘意加rider,問清楚可唔可以遲D先加係咪一樣價錢，再諗下係咪需要，幾時先需要，再諗下。

出黎做野篇

Long term 和 Short Term 的迷思

到你廿歲仔，老實講已經遲買。好采的老豆老母係你好細果個時已經有買到，但超過一半到你出黎做野果時，個保額已經因通漲經到雞骨，唔上唔落。你睇廿年前買個大快活同買層樓個物價同而家比就知。但計番供款果個數又相對平左，果d紅利單應該開始多，所以食少餐飯都供住先。

廿五到四十五歲果二十年理論上係每個人最光輝最博搵最多錢既時候。我個人會覺得依廿年買份重額純 term life 加純危疾係王道。果時未有積蓄，又日搏夜搏，壓力大，唔夠訓又頂得住，但其實你係消耗緊你既健康。好采既咪六七十先出黎，唔好采就係三四十歲已經出現。

果時未結婚既都要盡下孝道老豆老母安老，結婚既就你既愛人未來生活，有仔女當然佢18歲前既讀書洗費。衰d講句claim都人壽都還好，如果危疾你係要醫，花好多錢，仲要番佢地照顧，果時出事係好大獲。所以點解要一份大額既黎保障。到過果左個年紀，你本身對上對下老人家仔女都已經少左負擔，層樓都供超過一大半，出事touch wood 對佢地影響無咁大。果時就留番你份long term既單黎cover一切所需。

大額單你其實都可以買long term,不過會係天價貴四五倍，除非你老豆老母係你剛出世已計埋通漲咁買天價保單，否則條數唔係咁易計。

所以建議你長短單都要持有，尤其係搏殺期，對你心愛既人盡下責任

但一切要量力而為，一個可以令你舒服既供款額，唔好因為要保到某個數，整到供得節衣縮食，做樓奴已經好慘，做埋保險奴仲慘

重申，個人意見，只作參考，每人因應自己情況睇下有乜岩用

買保險都係on9

人壽早買早供完用紅利保成世，一死就俾後人攞

醫療年年加保費，所以自己如後生蓄到，而又唔係太多危險活動的話，無必要俾佢賺幾十年而得個桔

危疾就一定要買

買乜撚保險 完全係一個騙局
買果時就話乜都得 到claim果時就話呢樣唔得果樣唔得
自己儲錢好過 大部分人後生都唔會出事 都係年老時先有機會用到
當你每個月供三千，廿年後都供左72萬俾自己做醫療費，點解要益保險狗，有起事上黎佢仲要加你保費

儲蓄係咪for懶人買？

保費的確係越早買越平
但適唔適合就因人而異

你咪諗下自己係咪有需要?
如果你好有需要，e.g.你係家庭支柱黎，死左好大鑊，咁你咪買人壽
如果你冇乜需要，e.g.你平時毒係屋企，冇事冇幹，咁你買意外保咪多9餘，雖然平

Yes

如果你識投資，唔好買，自己錢自己洗
如果你有興趣投資，唔好買，自己錢自己負責
如果你唔識投資，又冇興趣去學，咪買，至多分少少比公司

睇你自己好唔好彩
好彩冇病冇痛冇意外 咪覺得唔洗買
但我上次入一入院洗左幾萬 一野CLAIM番哂
到時個諗法又唔同
已經cover番哂我幾年既供款