[TRPG][COC] 長期開團，克魯蘇的呼喚系列(12)

所有人進入了升降機內，就在此時，喪屍群亦開始湧入二樓的這間大房之內，眾人還可以看見有一隻licker跟隨屍群而入

眾人不敢久留，立刻就按下升降機內唯一的一個按鈕

升降機關閉了，眾人感覺到升降機向下降

升降機門打開，當眾人走出升降機後，明亮的光再一次映入眼簾，入目的是一個又一個巨大的圓柱透明容器，內裡浸著的都是一些不能夠形容形狀的物體，但依稀看得出有一部分是人型的，但不知道是人類，屍體或是喪屍

剛回神，就看一個白色的人影站在地下室的最深處。

現時1220，請各位玩家行動

杜格細細聲咁問其他人
我地搵個靚仔靚女d 同埋把口好得嘅人同條友傾下先啦
唔係到時激嬲佢我地就無得返轉頭架啦

白銀表示同意：
呢到D人好多都係以貌取人嘅仆街嚟
你地估佢係邊個阿拿，係咪就係當時係小木屋聽到果個咩咩咩博士
同時表示自己唔會係果個出去同佢傾計嘅人選

有冇咁快入晒呀
Dio問下其他人有咩意見

起碼BIO4果D寄生體級數
比把槍佢地可以識開添
唔係點會咁醒識上二樓

吳惜雲心惗自己個樣咁有陰謀都係唔好帶頭行出去嚇人,就拎起個相架,等個人影轉身時對下係咪間屋嘅主人

小智心知自己已經夠樣衰 依定定家仲要血肉模糊，都廢事比咩意見。但為了示意有人黎左 都係咁依咳左兩下

白色的人影並沒有回頭
但一把聲音透過周圍的聲響設備傳篇整個地下室
白色人影:「客人們，過來傾下計啦」

吳惜雲拎住相架放輕腳步行過去:你好,我係雲,呀生你點稱呼呀

白色人影:「客人，你的手腳唔太乾淨，那是放在我床頭的，不過禮貌上我都要自我介紹一下，我叫林博文，其餘人都唔好站在升降機入面了，都過來吧。」

吳惜雲對一對張相,又好似直係佢嚟:"林生,我係見樓上間房就嚟俾喪屍攻入,先專登keep住先,等搵到相入面GE人或者家屬就俾返佢"
然後遞個相架俾林博文

林博文沒有接過相架
林博文:「你們的來意是什麼?普通人唔會來到我這裡。」

Dio走上前：林生，我地係聽講呢到有喪屍嘅解藥，所以想過嚟揾下同埋揾有冇方法可以逃出呢個樹林，林生你有冇方法可以幫我地？

小智：博士你又係姓林？我地個導遊又叫林美兒。唔會咁岩呱

我地淨係想走咋林生 我唔再去旅行啦屌
（起碼唔會再同依班人去）

林博文:「你們擅自走入我家，然後問我拎我的研究成品?至於出森林，你們如何入來，就如何出去便可以了。」

林博文:「哦?你的導遊?是那一個?」

冇辦法喇林生，外面已經畀佢地圍住晒，連你個二樓都入埋，如果你冇法走我地都係一齊死架咋

林博文:「你似乎搞錯左少少野，我不需要走，亦沒有諗過要走，即使要走，我亦不會走不了，重點係你地，擅入我家，打我的研究的主意，你們是美軍的人?」

林生，唔好意思可能我講野語氣有啲差令你誤會，唔好意思。我地只係普通嘅旅客，為左活命先走入嚟，冇任何惡意
你而家趕我地出去真係逼我地去死架咋，求你幫下我地。順帶一提，我地喺路上執到個walkie, 似乎真係美軍，佢地話今日之內會用核彈炸左呢個森林，所以你留喺到冇你想像中咁安全，何不互助互利呢

林博文:「由佢地炸，我呢個地下室是以抗核打擊為基礎而設計，莫講話佢地唔夠膽用核彈，真係夠膽，我都唔怕。」
林博文:「至於你地，就算真係遊客，來得此處，知道太多事了，我幫你們
走，美軍都不會放你們走。」
林博文:「解藥我有，但無理由俾你地。」

唔夠膽講太多了Dio用眼神向同伴示意，問佢地講唔講格拉基嘅事出嚟

白銀:
言下之意姐係有方法可以避過呢D怪物離開呢個森林?

吳惜雲見到dio用眼神講要搵人同林生格劍GAY下,就指咗指小小智,表示佢最大碌