投資服務熱線 +852 3988 2688
追完post先問好嗎？
再問手續費就屌老母
榮譽會員:間諜巴打(教大家月供2800), 朱千雪讓我哭巴打
月供po狗鐵主席: i-vtec （尚欠每人50加1股2388）
Photo credit: 消委會
新手知識：
問：咩叫月供股票？
答：每月用你指定既金額，購買你指定既股票。
例：你set左月供$2000盈富、$2000騰訊、$2000匯豐，假設你用中銀黎做月供，會係每月既第十一日買入。假設盈富個日係$20一股，你會買到100股，騰訊係$201一股，你會買到9股，即$1809，銀行只會扣你$1809。
問：月供股票有咩好？
答：
1）低入場費：如果你睇好騰訊，但佢一手要大約兩萬蚊，但你冇咁多錢，月供就幫到你。你可以每月$5000咁供。
2）平均成本：假設騰訊三個月既價係：$170、$180、$190，你同樣都係月供$5000，係第一個月你會買到29股，第二個月買到27股，第三個月買到26股，變相平個陣買多啲，貴個陣買小啲。個平均買入價會係$15000/(29+27+26)=$182.9。
3）減低心理因素：由於每月都係指定個日入貨，我地唔需要睇價入，平時好多時會見佢貴，冇入到，點知就升到咩咁。
問：啲碎股點算好？有冇息收？
答：係有息收的，唔需要草夠一手先有。至於會唔會賣唔出？中銀就承諾可以以正價沽出碎股，所以唔洗擔心。
問：用邊間？收費如何？
答：主要都係推介呢兩間：中銀，一通。
中銀：可以用信用卡供，容易周轉，仲儲埋積分。
每個月$50，已包收息費、存倉、買入。除咗賣貨有其他收費，基本上可以話係全包價包撚哂，更可以以正價沽出碎股。(沽出照正常收費，詳情可以睇番收費表）
http://bochk.com/m/tc/investment/securities/monthly.html
一通：所有交易都係$5，收息每次$5。如果你月供3隻，每月就係$15。（有錯請補充，因為我用中銀的）
問：有咩記數app?
答：Ticker。非常清晰咁記錄你既交易同會自動幫你計你個平均買入價。
問：比較受歡迎既月供選擇？
答：盈富基金、騰訊、匯豐、建行、港鐵、煤氣、電能、港燈、領展。
問：中銀幾號扣數，買入？
答：每月第十一日買入，第十日扣數，如果撞正非交易日，會順延。例如，十號係星期六，咁會下星期一先扣數，星期二買入，星期三出statement。
問：mark數入唔入50好？
答：請自行決定。
問：中銀ebanking邊到睇買入價？
答：電子結單->證券交易
其他月供股票基本知識：
【趣blogblog】月供$5,000 18年後變三球（股榮）
https://www.youtube.com/watch?v=eD1K4Lbef-E
平均成本法(月供計劃)要成功的先決條件是甚麽？
https://www.youtube.com/watch?v=sqOiJDMMHQg
小數怕長計 月供股票計劃收費可相差逾倍
https://www.youtube.com/watch?v=BL7NzqbdLck
月供股票4缺點 消委會揭示
https://www.youtube.com/watch?v=J5_-wfQNq_c
講住咁多先，其他留待其他巴絲補充
一通幾錢一個月？收息點計手續費？聽講個SYSTEM成日壞？會唔會買唔到貨？
邊間股票多選擇啲？
渣打免佣好似抵啲？
匯豐長期免手續費，唔係仲平咩？
呢排見南商做緊優惠？有無巴打知詳情？
買夠10萬轉返去銀行得唔得？有存款保障？
之後射去中銀收幾錢？中銀係咪免手續費？
真係全免？
中銀信用卡供股可以儲積分？我上網搵唔到嘅？
中銀信用卡嗰邊未見扣數？有無巴打扣咗？
但今日開咗張信用卡，今個月都會轉到用信用卡扣數？
開戶要帶咩文件？
月供用邊間最平
中銀用邊張信用卡供有優惠
用一通定中銀供抵啲
而家咁貴 月供係唔係好唔抵
遲啲股市跌 月供係唔係好危險
隻股票唔會郁 月供係唔係賺唔到錢
中銀月供 點樣睇到買入平均價
有以上問題？有個懶人包可以答到你
伸手黨懶人包Link
:http://bfy.tw/FKYu
再唔係就...
中銀個人客戶服務熱線 +852 3988 2388
投資服務熱線 +852 3988 2688
此post純屬討論，並不為任何投資決策負責。
月供po港鐵主席ok-i笑話幾則:
新手一多就表明就快爆 連登新手指數
