事情經過
語言欺凌: 2017新學年,受害人(下稱X) 收到班上男仔(下稱李)匿名寫比佢嘅字條,內容包括恐嚇X,預言X嘅父母會死。類似字條一共有5張,已經令到X日日好唔安落。 X比咗字條班主任(劉)睇,但劉話只係一般紙仔完全唔處理,仲沒收咗部份字條。
身體欺凌: 11月李開始打X背部。X同劉講,劉依然話唔想處理,話件事交比訓導(下稱黃)算。
一個星期後李小息時又打X,X不適到當晚就要父母帶佢睇醫生(所以有醫生紙證明呢件事)。父母同黃講,黃稱上星期嘅打人事件因為已經一個星期,所以file closed ,話會調查吓今次。
打人嘅時候X有朋友見到,後尾訓導洗腦個朋友話無呢件事發生過,黃之後便聲稱調查後搵唔到目擊證人
X 父母一路有搵證據比黃,但黃話全部唔成立。後尾黃聲稱打人事件證據不足,所以又可以close file (真係龍門任佢擺)
X父母搵培正社工講,社工淨係話自己就黎退休,唔想搞咁多野就無處理到。
兩件打人事件close file之後,黃就帶頭欺凌X。
1.黃去X班房叫大家遠離X,X一時之間無哂朋友,精神嚴重崩潰
2.黃係小息時段, 搵兩個低年級同學跟著X去廁所,X形容好似係黑社會一樣, 非常恐怖. 身心受到極大傷害(X亦因此嚇到唔敢去廁所)
3.黃屈X寫影響校風紙條並傳開去, (X表示沒有寫這紙仔, 更不是他的字跡, 要討回公道)
4.黃恐嚇X如果再講大話訧要叫註校警宫王警長處分X
真心想知,點解成間學校無一個人做到野? 本身打人事件老師好好處理就無野,但老師個個推卸責任,仲帶頭玩9學生
培正小學真心cls希望大家幫幫手推post,等所有人見到呢間小學有幾醜惡