塵埃已落定
2019-02-19 20:06:27
首先,如果你真係咁掛住佢咁,你行動上面應該會作出適當嘅反應即刻搵番人,如果你唔搵即係表示你知道現階段搵返佢呢個行為係要制止嘅
其次,就要睇下點解你咁掛住人?你係咪後悔當初作出分開呢個決定?如果係咁點解你當初又選擇分開呢?所以其實你而家咁樣諗係好傻,除非可以有實際行動進行,否則後悔已經沒有用
例如人哋已經有一個美滿嘅家庭或者人哋同現在另一半已經生活得好好咁你就無謂再打搞人,我相信如果人哋依家仲係available嘅話,咁你應該唔使用個腦掛住即刻搵方法去contact返佢,但係我覺得分手就要狠啲將聯絡資料全部delete
你試諗下當初如果係佢做錯所以你哋選擇分手嘅話,咁難保呢一次佢會犯同樣嘅錯誤㗎喎,如果佢真係冇作出實際嘅改善咁幾多次都係一樣
如果係你做錯呢咁你就無謂再搵返人因為你已經失去咗對佢嘅信任,要做返更加多嘅事情補救,咁不如重新開始尋找新嘅寄託係一個新嘅target上面,佢對你嘅戒心完全係零嗰陣時(即係唔知你犯過錯),就可以慢慢建立返自己信任
我成日都話分手係一個獨木橋,獨木橋前嘅風景係可以好靚係可以繼續有好多果實,但係要等你慢慢發掘,同埋睇你經過嗰陣個時機成唔成熟,再加上面有冇喺個環境上面作出粗暴嘅對待令到啲果實同花都冇辦法可以繼續咁樣盛放,即係對你有所顧忌避開你,睇完呢度已經唔再係一個桃園嘅話咁你要唔要向後行搵返之前個獨木橋過返去另一邊?你會覺得你嘅時機係吻合?你會覺得行返獨木橋過返本來嗰一邊佢會繼續盛放?定還是傷害咗同破壞咗嘅已經冇得復原?請注意本身獨木橋已經係好難行,然後你仲要再返轉頭行多一次會仲難,因為沈重嘅你行過之後,獨木橋嘅搖擺程度就會再增加
尋找另一個桃園或許更好,以往的桃園就留在記憶中吧