舊bio連音樂都做得咁正,三上真係好野
不過今集bio終於超越舊作,岩岩拎埋火箭炮,隻game都7788講下感想先..
最開始玩demo,覺得畫面方面過肩視點咪有咁黑整咁黑等你睇唔到就恐怖d,戰鬥方面射到訓低再刀仔片,比人咬又有刀仔反撃,喪屍射擊game一隻,係少左體技,諗住正式版都係食硬你,點知........
制作團隊令新bio重制既平衡做得好成功,射頭多槍唔死,訓低都未知死未,成地屍你又唔知佢會唔會起身,打定唔打好,依條路會唔會再返黎???打既時候又左搖右搖,miss機會大增,準星又要時間集中,子彈數量唔算多,如果要清場一定唔夠,再加埋有光頭佬係咁追,身上位又唔多,又要拎槍又要拎藥又拎道具,仲要成日要返save room ,第一次爆機save左廿幾次,以上種種因素令壓力真係大到前所未有,正正就係因為依種壓力先令到隻game咁恐佈咁成功
另外未玩今集之前一 直對cctv視點念念不忘,但玩完今集之後我覺得cctv將會係一個歷史,因為舊視點比唔到個種難道,一係中一係唔中,子彈夠就一定過到,最多屈你死角視點扣下血,技術唔需要太高