是咁的
今日訓醒無啦啦比老母叫我陪佢去個朋友屋企拜年
我心諗條友我又唔識關我咩事，就同佢講唔想去
點知佢無啦啦陰陰嘴笑，同我講一齊去啦有你著數
咁我就以為係有大大封利是收啦，咁咪拿拿林應承
出發之前佢突然叫我換件恤衫，當時我都無為意，以為佢朋友幾有錢，廢是著得太求其俾人笑
如是者我地就一齊去佢個朋友屋企，地區就唔講啦反正都係有好多新樓既地段。出左地鐵站，行左段路就已經去到我心目中既地點，咁我就諗住停低啦，點知我老母頭也不回繼續向前行，我當然即刻叫停老母，點知佢同我講佢朋友住係前面既居屋，我當堂嚇左一跳，然後發生以下對話
：樓豬 
：樓豬老母 ：又話有大利是收既？ ：我都無話過有 ：（覺得有伏）咁我有咩著數？ ：我朋友有個女，都生得幾靚架，年紀同你又差不多，帶你識下仲唔係有你著數？我心入面即刻十萬個黑人問號❓搞咁耐原來你帶我相體？廿一世紀啦都，仲邊有人幫個仔做媒人？
我當然係頭也不回就走，免得再哂時間，就係呢個時候，我突然聽到老母俾人叫停，原來佢一早叫定個朋友落黎帶路，咁一場黎到，當然係睇埋靚女先走啦，點知一轉過身，驚嚇既事就發生了。只見我身前有三個女性，第一個相貌熟悉，係樓豬老母；第二個驟眼望落個樣有幾分殘，但係都仲保養得不錯，似乎係老母個朋友；正當我充滿住期待望向第三人，我突然發現老母同佢搭哂膊頭同佢傾緊計。
而呢個人，就係呢個時候陰陰嘴笑咁同我講左句
’世侄你好啊👋呢個係我個女(英文名)，你地可以互相認識下。‘突然有另一把尷尬既聲音 : ‘你好啊我係(英文名)，係xxx大學讀緊書‘
我望轉頭，原來係頭先我望到既第二個人，雖然佢個樣無咩特別，但係一來幾殘，二來絕對講唔上係靚女，而且一睇佢個樣就知佢都係被迫。
為左方便，下文我地暫時叫佢做y(佢英文名第一個字）
呢一刻，我心入面充滿掙扎，一方面唔想比老母支配，但另一方面又唔想令y難受,畢竟佢都係比人逼。
我最終都係決定一齊去佢到，免得令y難受。
咁係上去既途中，兩老有意無意地分開行，好似想撮合我同y，咁我當然係趁呢個機會問下y
：樓豬 
：y :你都係比人迫? :(點頭)我媽咪成日擔心我嫁唔到人，所以... : 我屋企都係咁，每次過年就叫我帶女朋友一齊食飯就係咁，我同y已經有初步共識夾手夾腳做埋場戲，免得再俾兩老煩。
點知上到去更癲既野發生了，兩老一坐低就叫我入y間房，我就一臉茫然，而y更係十分尷尬，但係為左唔再俾兩老煩，佢對我稍為示意，然後沖左入房收拾。
過左一陣，y對我揮手示意，叫我入去，呢個時候我老母突然叫停我，‘把握機會啦啊仔’
Wtf?係咪癲左？恨新抱同孫恨到傻左？
入到去之後，y同我講當自己屋企就得，然後讓出左書檯比我，而佢自己就坐係床上面玩手機。
我係拎部macbook同ipad既同時，心入面一陣茫然，為左我個癡線老母，我山長水遠去左一個三唔識七既人間房，結果做緊平時係自己間房會做既野。
就係呢個尷尬既環境既底下過左兩個小時之後，兩老叫我地一齊落街去附近食晚飯。食飯既途中都無咩特別，兩老都係一如既往地癡線，無非都係問下我地頭先做左咩，問我地會唔會再約出街。而我亦本住懶理心態，無理佢地，等餐飯食完就拿拿林走搵朋友。點知我呢個老母竟然充滿創意叫我送y番屋企，而y屋企就係視線可見既walking distance。我心諗有咩好送咪同佢講‘咁近唔洗送啦’y既老母突然參戰’唔緊要架，（指向反方向）個邊有個公園，好多情侶係個到拍拖，你地都可以去下。’老母當然係扮哂識做咁早走。
而好人既y同我講佢我再唔走就冇地鐵，自己會係附近打下躉，叫我行先。而我係陪佢行去公園站既中途就離開左了。
最後再次為呢篇發洩文sorry for 1999
同埋
老母你唔好再咁癡線可以嗎
