話說最近細佬我返返下工比manager叫警察趕走左我，提早收皮🤓
！！長文慎入！！
事緣係咁既，咁本身我就起一間叫Gxxxgx Coffee做咖啡師，起入職既時候呢果位manager已經不斷咁強調間公司有雙糧既，又話無咩公司會有雙糧依個福利。個陣仲口頭承諾左年底會發放雙糧架啦咁，加上我本身真係想學下咖啡想試下做，所以無唸咁多就接受左個offer。
一開始都知依度曾經走左好多位同事，仲要係一批一批咁走，而且基本上依度無咖啡師係做超過1年。個陣懶理就繼續做啦😂😂心唸可能細公司係咁掛。再做多一排，寫字樓個班人同埋個老西開始屎忽痕，成9日都落黎睇鋪，又嫌我地班咖啡師污糟。依個時候果位manager就落黎同我地訓示就話：「以後每沖一杯咖啡之後呢依部啡機都要同我抹一抹佢，旁邊d咖啡粉同我掃乾淨佢，仲有地下個d.......」我心唸乜9野沖一杯抹一次啡機？你係咪落黎搞笑？即係你叫個廚房佬炒完一碟餸就成個爐抹一次同拖一次地？喂大佬抹野我會但唔係炒檔個陣先係咁抹d「無關痛癢」既野囉吊！最過分既係，班高層要求話要我地做到一塵不染，我地班咖啡師就要輪流打掃店鋪，有次我真係抹到由返工抹到收工，抹到我懷疑人生😂😂個陣已經知道心知不妙
到後來寫字樓果位manager唔知係咪有咩特別癖好，好鬼鍾意日日望實店鋪既cam睇我地做緊咩，我地有咩做漏做錯就係咁打電話落黎話9我地，搞到個段時間大家既士氣都好低落，吊搞到好似坐監咁，24小時監控，好有壓迫感。大佬我都係打份工姐洗唔洗咁？搞到好似拍果d人性實驗既電影咁。喂大佬你咁鍾意睇cam不如真係認真考慮下轉行做保安啦吊，咁睇法真係曱甴飛入lift都比你捉返出黎啦！
再做多排，唔知老西係咪對三明治情有獨鍾，要求我地每日都要整成300份三明治，然後又要賣晒佢.......🙄我地有位甜品師真係由朝做到晚，計埋備料同製作，收工先整得晒。最後佢都話頂唔順而辭職走左，我地都明既，吊請個甜品師返黎呃9人地去整咁多份三明治？無病呀話老西？你會唔會叫個警察拎住支水炮救火救人呀on9，搞到成間咖啡店十足十似d食品工場咁，一個咖啡師負責摺三明治盒；一個要起盒表面貼公司logo；一個負責拎住三明治叫賣......最後我同另外2位同事都真係頂唔順，就打算過完年就辭職。最搞笑既事就起依度發生........
我地3個都係1月頭辭職，到左1月中都仲未收到雙糧。好記得起12月尾個陣我地既supervisor有同我地講過話31/12會派雙糧架啦，你地個個都有份。加上有位同事搵返之前個公司group有講過雙糧會起31/12準時發放，咁我地就唸住問下寫字樓果位manager關於雙糧既事啦。
佢第一次係答我地：「2月會補返比你地架啦！」
過左幾日，佢突然間改口話：「未做滿一年係唔會有！」
我地聽完真心o晒，之後我地send email想問返office搞清楚成件事，又whatsapp果位manager了解究竟係咩事，但最終都係比佢地無視，完全迴避我地既問題🤦🏻♂️
到左差唔多1月尾，果位manager終於蒲頭落黎同我地講：「雙糧係農歷新年派發既！你地1月頭辭職即係代表自動放棄雙糧依個福利！」
我地聽完真係火都黎，吊你究竟知唔知自己up乜9？一時又話「2月補發」一時又話「要做滿一年先有」一時又改口做「農曆新年先派發」，講大話之前可唔可以用下個屎忽唸下之前講過d野，前言不對後語。最後有同事同佢嘈左一輪佢黑晒面咁就走左。而到左30/1，果位manager已經完全唔理我地，唸住我地2月一走佢就皆大歡喜，個陣我地真係好嬲，我地有尋求勞工處協助，但始終份合約無白字黑字寫明有雙糧，都係有d麻煩。
到最後我地做左件有d過份既事，起依度都要承認返，我地用紙寫下對間公司既不滿，純粹想發洩一下，例如寫「不公平對待」、「還我雙糧」依d野，當然果位manager都留意到，然後終於又蒲返頭見我地，咁見佢蒲頭我緊係唔可以錯過機會繼續問佢有關雙糧既事，佢一黎就話：
佢：「唔知，你可以汁埋野提早走。」
我：「唔知？！你係manager黎架喎？員工既福利都唔知？」
佢：「你走定唔走？」
我：「我點解要走？」
佢：「你寫依d野係犯法！你再唔走我就報警」
我：「隨便你。」
我唔知之前既同事係咪都係咁比佢克扣福利，但我只係想同大家講返件事，揭發依間公司既陰暗面！同埋入去做既人真係要考慮清楚😂😂，唔想比依間公司繼續玩9 d員工！
WhatsApp cap圖講雙糧
要讀degree，考牌，專業人士